Infarmacyjnuju pradukcyju carkvy «Novaje žyćcio» chočuć pryznać «ekstremisckimi materyjałami»
Minskaja jevanhielskaja carkva «Novaje žyćcio» atrymała siońnia dva aficyjnyja listy, adno ź jakich — patrabavańnie jaŭki ŭ inśpiekcyju buchhałtara i pradstaŭleńni niekatorych finansavych dakumientaŭ, piša «Chryścijanskaja vizija». Druhi list paviedamlaje pra słuchańnie ŭ sudzie spravy ab pryznańni infarmacyjnaj pradukcyi carkvy «ekstremisckimi materyjałami».
12.08.2023 / 23:03
«U vytvorčaści suda Centralnaha rajona Minska znachodzicca hramadzianskaja sprava pavodle zajavy pieršaha namieśnika prakurora horada Minska ŭ intaresach Respubliki Biełaruś ab pryznańni infarmacyjnaj pradukcyi ekstremisckimi materyjałami», — havorycca ŭ liście.
Sudovaje pasiadžeńnie pryznačana na 14:30 23 žniŭnia 2023 hoda.
Raniej paviedamlałasia, što ŭ Minsku pačali znosić były budynak carkvy «Novaje žyćcio», pieraabstalavany ŭ svoj čas sa staroha karoŭnika. A ŭ vieraśni 2022 hoda pastara carkvy Viačasłava Hančarenku zatrymali i aštrafavali na 100 bazavych vieličyń.
Čytajcie taksama:
Pastar pratestanckaj carkvy «Novaje žyćcio»: Nichto nie zastaniecca niepakaranym za znos chrama
U Viciebsku sudzili jevanhielskuju carkvu — za humanitarnuju dapamohu dla invalidaŭ
Na 2 hady «chimii» asudzili jevanhielskuju chryścijanku Lidziju Hormaš