U Rasii pieraasensavali pohlad na impieryju
U novym rasijskim padručniku historyi dla 5-9 kłasaŭ budzie pierahledžany pohlad na Rasijskuju Impieryju. Pra heta raspavioŭ aŭtar dapamožnika, historyk Alaksandr Čubarjan, paviedamlajuć «Iźviestija».
12.08.2023 / 18:09
Fota: RIA «Novosti»
«Adno ź vielmi istotnych pytańniaŭ — novy padychod da akreśleńnia słova «impieryja», — paviedamiŭ Čubarjan, adznačyŭšy, što pry składańni padručnikaŭ važna ŭličvać najaŭnaść indyvidualnaha pohladu na suśvietnuju historyju ŭ kožnaj asobnaj dziaržavy. U pieršuju čarhu, maŭlaŭ, heta tyčycca krain SND.
«Usie impieryi ŭ śviecie — heta byli zamorskija terytoryi. A tut była ahulnaja prastora. Tamu kali jany [krainy SND] uvachodzili ŭ skład Rasii, jany ŭklučalisia abjektyŭna ŭ hetuju ahulnuju ekanamičnuju prastoru. Jany jak by z Rasijaj stanavilisia adzinym cełym», — patłumačyŭ historyk.
Aŭtar novaha dapamožnika patłumačyŭ, što jon ličyć vielmi važnaj zadačaj pakazać, što Rasijskaja Impieryja mieła šerah istotnych adroźnieńniaŭ z takim kłasičnym typam kałanijalizmu, jak, naprykład, Brytanskaja impieryja.
Čytajcie taksama:
Łaŭroŭ: Zachad choča pasvaryć Biełaruś i Rasiju. Nam patrebnaja manahrafija Sajuznaj dziaržavy
Dla Rasii staražytnaja Ruś bolš nie Kijeŭskaja? Miarkujučy pa novym padručniku, tak