Затрымалі буйнога гомельскага прадпрымальніка. Яго вінавацяць у падпісках на незалежныя СМІ
Мужчына валодае гандлёвым цэнтрам «Еўропа», вялікім клубам ды рэстаранам.
10.08.2023 / 15:03
Дзмітрый Лебедзеў. Фота: ягоная старонка ў «Аднакласніках»
Гамельчуку Дзмітрыю Лебедзеву 48 гадоў. Ён скончыў электратэхнічны факультэт Беларускага дзяржаўнага ўніверсітэта транспарту ў 1996 годзе. Бізнэсовец каля 20 гадоў валодае памяшканнем у Гомелі на вуліцы Карповіча, 45, дзе цяпер месціцца гандлёвы цэнтр «Еўропа» (раней па тым жа адрасе быў гандлёвы дом «Сіла току», які таксама належаў Дзмітрыю) і культурна-забаўляльны цэнтр «Еўропа», дзе месцяцца рэстаран, начны клуб і бар.
Яму закідаюць падпіскі на незалежныя СМІ ў інстаграме і тэлеграме. За гэта яму, як кажуць у канале ГУБАЗіКа, пагражае некалькі адміністратыўных справаў.
Чытайце таксама:
За ўдзел у пратэстах затрымалі загадчыцу інтэрната БДЭУ
Тлумачым, якім чынам сілавікі знаходзяць карыстальнікаў Telegram і як гэтага пазбегнуць
Як правільна чысціць свой акаўнт у Instagram, каб засцерагчы сябе. Падрабязны гайд