У Рагачоўскім раёне пад коламі цягніка загінуў 78-гадовы пенсіянер. У яго былі праблемы са слыхам
Няшчасце здарылася вечарам 8 жніўня каля станцыі Старасельскі.
09.08.2023 / 14:52
Фота: Сожскі фарпост
78-гадовы мужчына выйшаў з дызеля і накіраваўся ў вёску Церахоўка, піша тэлеграм-канал «Сожскі фарпост».
Каб скараціць дарогу, ён пайшоў уздоўж рэек.
У гэты час па іх рухаўся пасажырскі цягнік «Магілёў — Гомель». Машыніст сігналіў мужчыну, але той не рэагаваў і працягваў рух. У выніку цягнік зачапіў пенсіянера.
Ад атрыманых цялесных пашкоджанняў мужчына памёр на месцы здарэння.
Пазней выявілася, што загінулы быў з парушэннем слыху, таму, хутчэй за ўсё, ён не пачуў папераджальнага сігналу машыніста.
Чытайце таксама:
На будаўніцтве «Мінск Свету» зноў загінуў рабочы, ён ужо сёмы
У Бялыніцкім раёне пенсіянер забіў сякерай выпадковага госця