Pryhožyn zajaviŭ, što «Vahnier» spyniŭ nabor najmitaŭ
Pa jaho słovach, PVK praciahvaje pracu ŭ Afrycy i Biełarusi.
31.07.2023 / 09:44
Fota: Arkady Budnitsky / Anadolu Agency via Getty Images
Zasnavalnik PVK «Vahnier» Jaŭhien Pryhožyn u raspaŭsiudžanaj praz telehram-kanał zajavie paćvierdziŭ, što kampanija spyniła viarboŭku novych najmitaŭ, piša Bi-bi-si.
«Ciapier čas adkryćcia centraŭ pa nabory pakul nie vyznačany, — skazaŭ Pryhožyn. — Pakul my nie adčuvajem deficytu ŭ asabovym składzie, my nie płanujem ažyćciaŭlać novy nabor».
Raniej pra toje, što PVK «Vahnier» na niavyznačany termin prypyniaje pracu rehijanalnych centraŭ viarboŭki najmitaŭ, paviedamiŭ telehram-kanał kampanii, u jakim raźmiaščajucca abjavy ab pracy ŭ hetaj struktury.
Pryhožyn skazaŭ, što «Vahnier» praciahvaje pracu ŭ Afrycy i ŭ «padrychtoŭčych centrach» u Biełarusi, i dadaŭ, što bolšaja častka najmitaŭ kampanii ciapier znachodzicca ŭ adpačynku.
U kancy červienia, prykładna praz tydzień paśla sproby ŭzbrojenaha buntu i praź miesiac paśla vyvadu ź linii frontu, PVK «Vahnier» jašče praciahvała vierbavać najmitaŭ pa ŭsioj Rasii.
Čytajcie taksama:
Vahnieraŭcy pačali treniravać u Biełarusi padraździaleńni miechanizavanych bryhad — Minabarony
Polski premjer: 100 vahnieraŭcaŭ pieramiaścilisia ŭ bok Suvałkskaha kalidora
Vahnieraŭcy praciahvajuć navučać biełaruskich sałdat. Hetym razam ahniavoj padrychtoŭcy