Muzyku Mikitu Najdzionava asudzili na 3 hady «chatniaj chimii»
Sudździa Maryna Klimčuk u sudzie Leninskaha rajona Minska vyniesła prysud u spravie muzyki Mikity Najdzionava. Prysud — 3 hady abmiežavańnia voli biez nakiravańnia ŭ papraŭčuju ŭstanovu adkrytaha typu («chatniaja chimija»). Paśla abnarodavańnia prysudu Najdzionava vyzvalili z-pad varty ŭ zale suda, paviedamiła «Radyjo Svaboda».
24.07.2023 / 19:20
Mikitu Najdzionava abvinavačvali pavodle art. 342 KK «Arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich». Pravaabarončaja supolnaść Biełarusi pryznała Najdzionava palitviaźniem.
Mikita Najdzionaŭ — biełaruski paet i muzyka, były frantmien hurta Hurma, a taksama aŭtar šerahu piesień roznych artystaŭ. U 2015 hodzie staŭ uładalnikam premii «Załaty Apostraf» u naminacyi «Debiut» za najlepšuju publikacyju vieršaŭ u časopisie «Dziejasłoŭ».
Z kanca krasavika 2023 hoda jon znachodziŭsia ŭ SIZA № 8 Žodzina. U lipieni 2023 hoda jaho pieraviali sa Śledčaj turmy № 8 u SIZA-1 u Minsku.
Čytajcie taksama:
Za «pikietavańnie ŭ sacsietkach» pakarali vialikim štrafam manciora z Kochanava
«Mahčyma, varta rychtavacca da horšaha» — Taćciana Sieviaryniec
Dvaich rabotnikaŭ tałačynskaha lashasa buduć sudzić za «ekstremisckija materyjały»