U Biełaruś prybyła piataja kałona vahnieraŭcaŭ
U Biełaruś prybyła druhaja za dzień i piataja ahułam kałona z najmitami PVK «Vahnier», jak paviedamiŭ «Biełaruski Hajun». U joj ad 90 da 100 adzinak techniki, jana bujniejšaja, čym taja, pra jakuju paviedamlali siońnia ranicaj.
18.07.2023 / 17:27
Kałona ruchajecca pa maršrucie ad miažy z Rasijaj (KPP la vioski Dubovička) pa trasie R-43 i dalej M-5 u napramku Asipovičaŭ.
Mašyny ŭ kałonie pierasoŭvajucca na numarach t. zv. «ŁNR», radziej t. zv. «DNR» i RF, časam naohuł biez numaroŭ. Na kožnaj z mašyn u hetaj kałonie prylepleny arkuš papiery z numaram.
Ź vidaŭ techniki zaŭvažanyja «buchanki», pikapy z adkrytymi bahažnikami, niekalki pasažyrskich aŭtobusaŭ, fury, lehkavyja aŭto («Łady» i KIA), paru bienzavozaŭ i «Urały» z pryčepami. Kałona ruchajecca ŭ supravadžeńni biełaruskaj DAI.
Čytajcie taksama:
«Spakojnamu žyćciu pryjšoŭ kaniec». Žychary vioski Cel raskazali pra susiedstva z vahnieraŭcami
Bieły dom paćvierdziŭ najaŭnaść vahnieraŭcaŭ u Biełarusi
Ciapier u Biełarusi ad 500 da 700 vahnieraŭcaŭ — HUR Ukrainy