Jak vyhladaje ciapier kaścioł u Sołach, dzie zafarbavali fresku «Cud nad Visłaj» FOTA
U adzin z samych pryhožych biełaruskich chramaŭ — kaścioł Maci Božaj Ružancovaj u Sołach — praciahvajuć pryvozić turystaŭ, u tym liku i ŭ ramkach ekskursij ad dziaržaŭnych ustanoŭ. Z takich ekskursij paśla vystaŭlajucca fota, i vydańnie Katolik.life na adnym ź ich zaŭvažyła, što ciapier na miescy źniščanaj pa ideałahičnych pryčynach freski aŭtarstva viadomaha mastaka Piotry Sierhijeviča.
15.07.2023 / 17:49
Rabočyja zamaloŭvajuć fresku ŭ kaściole
Dniami ekskursiju ŭ kaścioł arhanizavaŭ Biełaruski prafsajuz rabotnikaŭ dziaržustanoŭ. Jak paviedamiŭ minski harkam hetaha prafsajuza, u pajezdku zaprasili Departamient humanitarnaj dziejnaści, Nacyjanalnyja spartyŭnyja łatarei, pradpryjemstva «Majstar-ściah Plus», jakoje vyrablaje dziaržsimvoliku.
«Naviedali nieapisalnaj pryhažości kaścioł i navakolle ŭ Hierviatach, cikavaha rośpisu kaścioł u Sołach», — havorycca ŭ spravazdačy ab ekskursii.
Na apublikavanych fota bačna, jak vyhladaje ałtarnaja častka chrama ŭ Sołach biez samaha «cikavaha rośpisu» — freski z vyjavaj «cudu nad Visłaj», jakuju zafarbavali na patrabavańnie ŭładaŭ u lutym 2023 hoda. Akazvajecca, pakul ničoha novaha tam niama — tolki biełaja plama.
Tak ciapier vyhladaje levaja ściana ŭ kaściole, dzie była freska
Na frescy była namalavana Varšaŭskaja bitva 1920 hoda. Karcina była napisanaja nieŭzabavie paśla hetaj padziei, jakaja adyhrała vialikuju rolu ŭ historyi Jeŭropy. Tady Polšča zmahła spynić nastup na Jeŭropu balšavickaj armii i damahčysia pierałomu ŭ chodzie vajny.
Vyhlad freski da ideałahičnaha ŭmiašańnia
Tahačasnaja pieramoha nad rasijskimi zachopnikami ličycca cudam, ździejśnienym praz pasiarednictva Božaj Maci, jakoj malilisia kataliki z prośbaj ab abaronie. Mienavita tamu freska z hetym siužetam źjaviłasia ŭ kaściole, a aŭtaram jaje byŭ viadomy biełaruski mastak Piotra Sierhijevič.
Čytajcie taksama:
U papraŭčaj kałonii ŭ Hłybokim buduć šukać staradaŭnija freski