Легенда футбольнага «Нёмана», якога нядаўна затрымлівалі, пакінуў клуб
Спартовы дырэктар і легенда гродзенскага футбольнага клуба «Нёман» Дзмітрый Кавалёнак пакідае сваю пасаду.
03.07.2023 / 20:22
Дзмітрый Кавалёнак. Фота: fcneman.by
Пра гэта паведамляе канал заўзятаў клуба.
Каваленак адыграў за клуб адыграў 14 сезонаў, не пакінуў каманду падчас яе фінансавых цяжкасцей і застаўся з «жоўта-зялёнымі» у якасці спартовага дырэктара пасля заканчэння кар'еры.
28 чэрвеня стала вядома, што Кавалёнка затрымалі. На наступны дзень з'явілася інфармацыя, што яго адпусцілі. У запісаным сілавікамі відэа ён гаварыў, што быў затрыманы нібыта за падпіскі ў сацсетках на «экстрэмісцкія матэрыялы». Праўладны канал сцвярджаў, што на мужчыну нібыта паскардзіліся самі футбалісты «Нёмана»: маўляў, ён «навязваў ім экстрэмісцкія ідэі».