U Biełarusi budzie try bazy vahnieraŭcaŭ?
Telehram-kanał Grey Zone, blizki da PVK «Vahnier», napisaŭ, što baza pad Asipovičami, jakaja ciapier abstaŭloŭvajecca i fota jakoj trapili ŭ sieciva, — nibyta adna z troch, dzie buduć raźmiaščać vahnieraŭcaŭ.
03.07.2023 / 19:43
Mierkavanaja budučaja baza vahnieraŭcaŭ pad Asipovičami. Fota: telehram-kanał «Sirena»
Zakinuty vajskovy haradok pad Asipovičami pačali adnaŭlać u kancy červienia. Tam staviacca pałatki. Miarkujecca, što tudy mohuć pierajechać vahnieraŭcy.
Kanał piša taksama, što najmity «pačali trenirovačny praces» i «adpracoŭvajuć tankavyja manieŭry i manieŭry ź ciažkaj technikaj na palihonie, raźmieščanym za paru kiłamietraŭ na poŭdzień».
Paśla miaciažu vahnieraŭcaŭ, jaki pačaŭsia ŭviečary 23 červienia, a ŭviečary nastupnaha dnia Pryhožyn sam vyrašyŭ jaho spynić, Pucin prapavanaŭ jamu i najmitam pierajechać u Biełaruś. Pieramovy z Pryhožynym ab «pieramirji» vioŭ tady ŭ tym liku Łukašenka.
Čytajcie taksama:
«Vahnieraŭcy, biełarusy vas nie klikali ŭ svaju krainu». U Minsku źjaviŭsia pratesny płakat FOTAFAKT