Вагнераўцы ўсё яшчэ знаходзяцца ва Украіне — Пентагон

Прэс-сакратар Пентагона адмовіўся рабіць прагнозы наконт іх будучыні.

28.06.2023 / 06:36

Ілюстрацыйнае фота: AP Photo

Войскі наёмнікаў ПВК «Вагнер» усё яшчэ знаходзяцца на тэрыторыі Украіны. Пра гэта заявіў прэс-сакратар Пентагона Патрык Райдэр, як піша CNN.

«Але з пункту гледжання іх канкрэтнай дыслакацыі і таго, ці могуць яны перадыслакавацца, я не збіраюся спекуляваць на гэтай інфармацыі», — дадаў ён.

Райдэр паведаміў, што ЗША не ўносілі ніякіх змен у размяшчэнне амерыканскіх войскаў праз суботнія падзеі ў Расіі.

«Мы не бачылі нічога, што, з нашага пункту гледжання, патрабавала б ад нас якіх-небудзь вымушаных карэкціровак», — сказаў чыноўнік.

Нагадаем, што ў суботу ўвечары пасля перамоў, якія сталі наступствам мяцяжу Яўгена Прыгожына, стала вядома, што ён можа вывесці свае войскі ў Беларусь. Прынамсі, у аўторак ён сам прыляцеў у Беларусь.

Уладзімір Пуцін учора паведаміў, што вагнераўцы змогуць падпісаць кантракт з Мінабароны РФ, звольніцца або «адысці ў Беларусь».

Чытайце таксама:

NATO гатова абараняцца ад Расіі і Беларусі — Столтэнберг

Прэзідэнт Польшчы назваў пераезд «вагнераўцаў» у Беларусь «негатыўнымі сігналамі»

«Рыхтуемся да найгоршага». У Асіповіцкім раёне невядома для каго рамантуюць кінуты вайсковы гарадок

«Я думаю, іх і не будзе ніколі». Лукашэнка запярэчыў, што ў Беларусі плануюць ствараць лагеры «вагнераўцаў» і пункты для іх набору

Nashaniva.com