Карпенка: Участак для галасавання — не месца для дэманстрацыі палітычных поглядаў
Кіраўнік Цэнтральнай выбарчай камісіі Беларусі Ігар Карпенка патлумачыў, чаму людзям нельга фатаграфаваць запоўнены бюлетэнь, і пры гэтым адкрыта прызнаў, што выбары па-беларуску — пра што заўгодна, але не пра выяўленне палітычных поглядаў і прыхільнасцяў.
08.06.2023 / 19:41
Выступаючы ў эфіры тэлеканала «Беларусь 1», Карпенка прыгразіў тым, хто будзе фатаграфаваць бюлетэні, завядзеннем адміністрацыйных спраў і штрафамі. Бо, маўляў, гэта агітацыя і парушэнне таямніцы галасавання.
На думку лукашэнкаўскага чыноўніка, участак для галасавання — тое месца, дзе нельга дэманстраваць свае палітычныя прыхільнасці.
Гэта толькі «месца, куды ідуць грамадзяне з рознымі меркаваннямі, з рознымі пазіцыямі і дзе выказваюцца ў выглядзе запоўненага бюлетэня ва ўмовах тайнага волевыяўлення», — заявіў Карпенка.
Забарона на фатаграфаванне бюлетэня прадугледжаная абноўленым Выбарчым кодэксам.
Чытайце таксама: