Pieršy spadarožnikavy zdymak źniščanaj Kachoŭskaj HES
Pieršy spadarožnikavy zdymak razburanaj akupantami Kachoŭskaj HES apublikavała vydańnie «Cchiemy».
06.06.2023 / 14:52
Na śviežych spadarožnikavych fota Planet Labs za 6 červienia 2023 hoda bačnyja nastupstvy padryvu Kachoŭskaj hidraelektrastancyi.
U paraŭnańni sa zdymkam za 4 červienia vidać, što amal usio zbudavańnie hidraelektrastancyi było razburanaje».
Kachoŭskuju HES pabudavali ŭ 1950-ch, heta adna z najbujniejšych hidraelektrastancyj śvietu. Na bierazie Kachoŭskaha vadaschovišča raźmiaščajecca Zaparožskaja AES, jana achałodžvałasia jaho vadoj.
Uzrovień vady ŭ Dniapry nižej HES jaje moža padniacca na 12 mietraŭ, pra heta paviedamlajuć u administracyi Chiersonskaj vobłaści. Heta vyšynia piacipaviarchovaha doma.
Śmiarotnaja niebiaśpieka pahražaje ŭkrainskim bajcam, jakija za apošnija miesiacy ŭziali pad kantrol bałocistyja astravy na levym bierazie Dniapra.
Raźliŭ Dniapra nižej za HES robić niemahčymym jaho farsiravańnie. U toj ža čas razbureńnie płaciny spynić pastupleńnie vady ŭ Paŭnočna-Krymski kanał, što aznačaje prablemy ŭ vodazabieśpiačeńni Kryma navat paśla jaho vyzvaleńnia.
Całkam nastupstvy padryvu HES ciažka praličyć. U pryvatnaści, zastajecca biez achałodžvańnia Zaparožskaja AES, heta stvaraje pahrozu jaje avaryjnaha spynieńnia.
Čytajcie taksama:
Što nieabchodna viedać pra Kachoŭskuju HES i da čaho moža pryvieści jaje padryŭ
Rasiejcy ŭzarvali dambu Kachoŭskaj HES. Idzie terminovaja evakuacyja
Vada biažyć šyrokim patokam: videa z razburanaj rasiejcami Kachoŭskaj HES
«Ni vadoj, ni rakietami nie spynić Ukrainy». Zialenski prakamientavaŭ padryŭ damby Kachoŭskaj HES