Źjaviłasia videa abvinavačanaha ŭ atacy na rasijski samalot u Mačuliščach
Prapahandysty pakazali zvarot hramadzianina Ukrainy Mikałaja Švieca, jakoha abvinavacili ŭ atacy na samalot u Mačuliščach. U zvarocie jon źviartajecca da Uładzimira Zialenskaha i havoryć na ŭkrainskaj movie.
23.05.2023 / 13:17
Mikałaj Šviec. Skrynšot videa
Na videazapisie małady čałaviek nazyvaje siabie Mikałajem Šviacom, razmaŭlaje pa-ŭkrainsku i kaža, što znachodzicca ŭ SIZA KDB i što nichto z ukrainskich dypłamataŭ jaho nie naviedvaŭ.
«Zaraz mnie pahražaje śmiarotnaje pakarańnie. Dla biełarusaŭ ja teraryst. Z 4 sakavika ja znachodžusia ŭ SIZA KDB Respubliki Biełarus. Za hety čas nichto mnoj nie cikaviŭsia, nichto sa mnoj nie vychodziŭ na suviaź. Z hetaha ja rablu vysnovu, što ŭłada ad mianie admoviłasia», — kaža Mikałaj.
Jon časta źbivajecca, pieravodzić vočy ŭniz, robić vialikija paŭzy. Šviec zaklikaŭ Uładzimira Zialenskaha zrabić usio, kab jaho vyzvalić.
26 lutaha ŭ Mačuliščach u vyniku ataki drona byŭ paškodžany rasijski vajenny samalot dalokaha radyjołakacyjnaha vyjaŭleńnia i kiravańnia (DRŁA) A-50. Adkaznaść za ataku ŭziaŭ na siabie «Bajpoł». Samalot z dapamohaj jakoha možna było ažyćciaŭlać udary pa Ukrainie, adpraviŭsia na ramont u Tahanroh. U pačatku sakavika pa hetaj spravie byli zatrymanyja niekalki čałaviek, u tym liku Mikałaj Šviec.
Čytajcie taksama: