Biełaruski trenier zastupiŭsia za represavanych futbalistaŭ
Hałoŭny trenier «Niomana» Ihar Kavalevič u intervju prahramie «Vyniki tydnia» na telekanale «Biełaruś 5» vykazaŭsia na temu adsutnaści ŭ składzie Valeryja Žukoŭskaha, Jaŭhiena Laško, Siarhieja Kurhanskaha i Ramana Pasieviča.
08.05.2023 / 09:13
Ihar Kavalevič. Fota: football.by
«Mahu praz vašu pieradaču paprasić Ministerstva sportu abo prakuraturu. Treba amnistavać ludziej. Jany nie zrabili złačynstvaŭ pierad biełaruskim narodam. U nas jość prablemy. Chłopcy trenirujucca, apantanyja, jany nikudy nie źjechali, choć byli prapanovy», — cytuje słovy Kavaleviča football.by.
U Biełarusi isnuje niehałosny śpis futbalistaŭ, jakija asudzili hvałt siłavikoŭ u 2020 hodzie. U śpisie spačatku było niekalki dziasiatkaŭ čałaviek, im faktyčna było zabaroniena hulać. Ciapier minimum dziesiać hulcoŭ kłubaŭ vyšejšaj lihi pa-raniejšamu siadziać biez pracy i čakajuć rašeńnia kamisii, jakaja pavinna vyznačyć, što ž ź imi rabić.
Čytajcie taksama:
Biełaruskich futbalistaŭ prahoniać praź ideałahičny tavaryski sud. Chto kaho budzie sudzić?