Aleś Bialacki ciapier nie atrymlivaje listoŭ
Ale dachodziać banderoli i pasyłki, navat z-za miažy.
04.05.2023 / 10:19
Nobieleŭski łaŭreat asudžany na 10 hadoŭ kałonii Aleś Bialacki ciapier nie atrymlivaje listoŭ. Pra heta «Radyjo Racyja» raskazała jaho žonka Natalla Pinčuk.
«Ułasna listy adnaznačna da Alesia nie dachodziać, adkul by jany ni dasyłalisia, ź Biełarusi ci z zamiežža. Što tyčycca pasyłak, to tut situacyja davoli aptymistyčnaja. Ź Biełarusi, jak praviła, my adsyłajem hetyja banderoli. Jość svojeasablivy list, heta svojeasablivy znak viaźniu pra toje, što pra jaho pamiatajuć. Heta znoŭ ža padtrymlivaje ich u źniavoleńni. Jość prykłady, jość čałaviek, jaki pasyłaŭ pasyłku z Polščy i hetaja pasyłka dajšła», — raskazała jana.
Taksama Natalla Pinčuk zaznačyła, što knihi pieradać palitviaźniam ciapier niemahčyma. Ale za kratami majecca biblijateka. «Litaraturny zbor tam niakiepski: intelihientnyja ludzi časta tam byvajuć», — dadała žonka pravaabaroncy.
Nahadajem, što ŭčora stała viadoma, što Alesia Bialackaha etapavali ŭ kałoniju ŭ Horkach.
Čytajcie taksama:
10 hadoŭ. Vyniesieny prysud nobieleŭskamu łaŭreatu Alesiu Bialackamu
Što ciapier z Nobieleŭskaj premijaj Alesia Bialackaha?
«Dabro i praŭda pavinny ŭmieć abaraniać siabie». Nobieleŭskaja pramova Alesia Bialackaha