Ptuški niaredka sutykajucca z šybami, asabliva padčas mihracyj. Jak im pamahčy ŭratavacca?
Telehram-kanał «Dzikaja pryroda pobač» daje parady ludziam nakont taho, jakim čynam možna dapamahčy ptuškam paźbiehnuć hibieli.
20.04.2023 / 22:59
Bieraścianka. Fota ilustracyjnaje
Možna paviesić zvonku šnury (lepš brać parašutny šnur) na adlehłaści 10 sm adzin ad druhoha. Heta nie psuje vidu z akna, ale zatoje adpužvaje ptušak ad škła.
Možna nakleić zvonku na škło biełyja nalepki-kropki pa tak zvanym «pravile dałoni»:
- pa viertykali intervał ad kropki da kropki pavinien być nie bolšy za 5 sm;
- pa haryzantali pamiž kropkami pavinna być nie bolš za 10 sm.
Kali na aknie jość maskitnaja sietka — vielmi dobra! Jana taksama dapamahaje ptušcy zaŭvažyć šybu.
Kali ptuška ŭsio ž nalacieła na šybu i lažyć nieruchoma, moža być, jana tolki ahłušanaja. Varta pakłaści takuju ptušku ŭ ciomnuju skrynku na hadzinu, i kali jana ačuniaje — vypuścić na volu. Karmić ci paić jaje nie treba.
Čytajcie taksama:
U Mahilovie masava pamirajuć čajki. Što moža być pryčynaj? Jość niekalki viersij
Hłuskija enierhietyki pierasialili busła, z-za jakoha ŭ vioscy prapadała elektryčnaść