Pryzyŭnikoŭ u Maskvie buduć šukać z dapamohaj sistemy raspaznavańnia tvaraŭ, u tym liku biełaruskaj Kipod
U Maskvie pryzyŭnikoŭ buduć znachodzić z dapamohaj haradskoj sistemy videanazirańnia. Ułady Maskvy sočać za žycharami z dapamohaj adrazu čatyroch technałohij raspaznańnia tvaraŭ — jany pracujuć adnačasova i kankurujuć pamiž saboju. Adna ź ich, Kipod — raspracoŭka rasijska-biełaruskaj kampanii «Sinezis».
18.04.2023 / 10:12
Ustanoŭlenaja ŭ Maskvie sistema «razumnych kamier», jakija raspaznajuć tvary, vykarystoŭvajecca, u liku inšaha, dla pošuku pryzyŭnikoŭ, raspavioŭ vajenny kamisar Maskvy pałkoŭnik Maksim Łokcieŭ. Pavodle jaho, asnoŭnaj pryčynaj, pa jakoj pryzyŭniki nie iduć u vajenkamat, zjaŭlajecca pražyvańnie nie pa miescy rehistracyi — z-za hetaha im nie ŭdajecca ŭručyć pozvu. Dla vyznačeńnia miesca žycharstva pryzyŭnika vykarystoŭvajucca sistemy videanazirańnia horada.
Pra hetuju sistemu rabiła rasśledavańnie BBC. Pavodle jaho, u Rasii vykarystoŭvajuć u tym liku biełaruskuju sistemu Kipod ad kampanii Synesis, dziakujučy jakoj siłaviki łavili ludziej paśla pratestaŭ 2020-ha. A rasijskija siłaviki hetak sama zatrymlivali ŭ maskoŭskim mietro ŭdzielnikaŭ pratestaŭ suprać vajny.
Ciapier z dapamohaj biełaruskaj sistemy videanazirańnia možna budzie adpraŭlać ludziej u armiju i na vajnu.
«Sinezis» i adzin z zasnavalnikaŭ kampanii Alaksandr Šatroŭ trapili pad sankcyi ES i ZŠA — za pradastaŭleńnie biełaruskim uładam płatformy dla sačeńnia i identyfikacyi praciŭnikaŭ režymu.
Čytajcie taksama:
«Ustaloŭvajecca videanazirańnie». Kubrakoŭ raspavioŭ, jak MUS rychtujecca da novych vybaraŭ
Minčuk skinuŭ mužčynu ź leśvicy ŭ pierachodzie mietro. Jaho znajšli pa zapisach videakamier