Illa Mironaŭ, jaki padaŭ zajavu ŭ SK na Azaronka, choča pryciahnuć da adkaznaści i Mukavozčyka
Nahodaj dla zajavy Illi Mironava ŭ SK na aŭtara «SB.Biełaruś siehodnia» Andreja Mukavozčyka staŭ materyjał pad nazvaj «Biehłyje šokirovany tiem, kak žizń rieahirujet na ich staranija jejo raskačať», piša Homelday.
17.04.2023 / 14:07
Prapahandyst Andrej Mukavozčyk. Kadr ź videa
Na dumku Mironava, u hetym artykule aŭtar zaklikaje da dziejańniaŭ, nakiravanych na raspalvańnie nianaviści, varožaści, a taksama prynižeńnie hodnaści hrupy asobaŭ pa prykmietach prynaležnaści da peŭnaj sacyjalnaj hrupy.
U artykule Mukavozčyk, kali ŭ ahulnych rysach, kaža pra toje, što
luby niazhodny z palitykaj Łukašenki biełarus zdolny prynieści vybuchoŭku navat u dziciačy sadok, kramu ci na płošču, a tamu pra takich ludziej treba paviedamlać «kuda śledujet, čtoby potom k nim nie prichodiłoś primieniať vysšuju mieru socialnoj zaŝity».
U svajoj zajavie ad 14 kastryčnika Mironaŭ prosić pačać pravierku ŭ dačynieńni da Mukavozčyka pa fakcie najaŭnaści ŭ jaho artykule składu złačynstva, praduhledžanaha č. 1 art. 130 Kryminalnaha kodeksa Biełarusi, i pry paćviardžeńni jaho najaŭnaści, adkryć kryminalnuju spravu adnosna hetaj asoby. U jakaści pakarańnia artykuł praduhledžvaje da 5 hod abmiežavańnia voli ci źniavoleńnia.
Illa Mironaŭ — viadomy ŭ Homieli aktyvist, jaki napisaŭ niekalki tysiač listoŭ palitviaźniam, sam — były palitviazień. Na pačatku lutaha 2023 hoda ŭłady ŭnieśli jaho ŭ «śpis ekstremistaŭ».
U studzieni hetaha hoda Mironaŭ adnios zajavu ŭ Śledčy kamitet z prośbaj adkryć kryminalnuju spravu ŭ dačynieńni da Ryhora Azaronka.
Čytajcie taksama:
Jaŭhien Smaryhin: Mukavozčyk viečna byŭ žłob
«Robiać heta tyja, chto ŭ našych šerahach». Mukavozčyk paprakaje prapahandystaŭ za bajaźlivaść
Krasamoŭna. Što łukašenkaŭskija kanały napisali pra vybuchi ŭ Mačuliščach