Raskrytaja asoba zasnavalnika Anonymous Russia. Im akazaŭsia vasiamnaccacihadovy chłopiec
Častku jahonaha pašparta pakazali čalcy rasijskaj chakierskaj hrupy Killnet, inšyja danyja pra asobu chłopca nam pieradali «Kibierpartyzany».
16.04.2023 / 00:53
Arsienij Jelisiejeŭ. Fota: pošukavy atrad «Simuran»
Pa źviestkach «Kibierpartyzanaŭ», Arsieniju Jelisiejevu 18 hadoŭ. Jon rodam z Homiela, vučyŭsia ŭ škole №52.
Suprać chłopca raniej zavodzili kryminalnuju spravu. Pa źviestkach sa «źlitych» baz MUS, chłopiec 28 sakavika 2019 hoda, kali jamu było jašče 15, sprabavaŭ skraści z dachu častki anteny mabilnaj suviazi, jakija naležali «Vełkomu», ale jaho zaŭvažyli i zrabić heta jon nie zdoleŭ. Praŭda, čym heta dla jaho skončyłasia — nieviadoma.
Kavałak pašparta Jelisiejeva. Fota: telehram-kanał Killmilk
Niadaŭna Jelisiejeva šukali siłami miascovaha pošukavaha atrada. 14 lutaha jon vyjšaŭ z domu ŭ kirunku vakzała ŭ Homieli i źnik na dzieviać dzion.
Data zaviadzieńnia kryminalnaj spravy, jak i artykuł, pa jakim jaho źmiaścili ŭ SIZA-3 Homiela, nieviadomyja.
Cikava, što paźniej rasijskija chakiery vydalili pahrozy ŭ adras biełaruskich uład, jaki raźmiaścili, daviedaŭšysia pra zatrymańnie paplečnika.
Čytajcie taksama:
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć