Minabarony raskazała, kali viernucca dadomu pryzvanyja na zbory. Jašče nie chutka
«Vajskoŭcy, pryzvanyja z zapasu dla ŭdziełu ŭ raptoŭnaj praviercy bojehatoŭnaści Uzbrojenych sił, sustrenuć śviata Vialikaj Pieramohi doma, u kole svajoj siamji», — pra heta paviedamiŭ pamočnik ministra abarony pa ideałahičnaj pracy va Uzbrojenych siłach — načalnik Hałoŭnaha ŭpraŭleńnia ideałahičnaj raboty Ministerstva abarony hienierał-major Leanid Kasinski padčas razmovy z vajennymi žurnalistami.
11.04.2023 / 12:05
Fota ilustracyjnaje
Leanid Kasinski raskazaŭ, što va Uzbrojenych siłach praciahvajucca mierapryjemstvy pa ŭdaskanaleńni pytańniaŭ bajavoj i mabilizacyjnaj hatoŭnaści.
«Pry hetym umoŭna hety kompleks mierapryjemstvaŭ možna padzialić na try asnoŭnyja składniki:
Pieršy składnik — heta płanavyja mierapryjemstvy bajavoj padrychtoŭki pa płanach kamandziraŭ złučeńniaŭ i kamandujučych vojskami.
Druhi napramak — heta kompleks płanavych i raptoŭnych mierapryjemstvaŭ pravieračnaha charaktaru pa płanach ministra abarony i Hienieralnaha štaba, u tym liku pravierka hatoŭnaści sistemy terytaryjalnaj abarony dziaržavy.
I treciaje — heta pravodzicca maštabnaja pravierka hatoŭnaści Uzbrojenych sił da vykanańnia zadač pa pryznačeńni pa płanie Hałoŭnakamandujučaha uzbrojenymi siłami, jakaja pravodzicca pad kiraŭnictvam Dziaržaŭnaha sakrataryjata Rady biaśpieki.
Akramia taho, my praciahvajem vykonvać zadačy pa ŭzmacnieńni ŭčastkaŭ dziaržaŭnaj miažy na poŭdni krainy i padrychtoŭcy padraździaleńniaŭ rehijanalnaj hrupoŭki vojskaŭ», — raskazaŭ Leanid Kasinski.
Takim čynam zbory skončacca da 9 maja.
U Bresckaj vobłaści mužčyn masava zabirajuć na zbory, mohuć padniać z łožka