Łukašenka prylacieŭ u Maskvu na sustreču z Pucinym
Alaksandr Łukašenka prylacieŭ z čarhovym vizitam u Maskvu. Uviečary 5 krasavika jon sustreniecca z Uładzimiram Pucinym napiaredadni pasiadžeńnia Vyšejšaj dziaržaŭnaj rady Sajuznaj dziaržavy, paviedamlaje BiełTA.
05.04.2023 / 19:11
Padčas sustrečy, pavodle aficyjnaj infarmacyi, Łukašenka i Pucin źbirajucca abmierkavać pytańni biełaruska-rasijskich uzajemaadnosinaŭ, u tym liku tyja, jakija nie buduć zakranacca na pasiadžeńni VDR. Siarod hetych pytańniaŭ — impartazamiaščeńnie, pahłybleńnie kaapieracyi, raźvićcio vysokatechnałahičnych halin, mižnarodnaja abstanoŭka, miery pa zabieśpiačeńni biaśpieki.
6 krasavika Łukašenka voźmie ŭdzieł u pasiadžeńni Vyšejšaj dziaržaŭnaj rady Sajuznaj dziaržavy. Tut, pavodle aficyjnych paviedamleńniaŭ, budzie razhledžana vykanańnie asnoŭnych kirunkaŭ realizacyi pałažeńniaŭ Damovy ab stvareńni Sajuznaj dziaržavy na 2021—2123 hady i sajuznych prahram, a taksama raspracoŭka Kancepcyi biaśpieki Sajuznaj dziaržavy.
Čytajcie taksama:
ISW: Kreml budzie prymušać Łukašenku da jašče bolš hłybokaj intehracyi