Monaśpiektakl Ivana Kirčuka «Varažbit» u Kupałaŭskim teatry admianili
22 krasavika ŭ Kupałaŭskim teatry musiŭ adbycca monaśpiektal Ivana Kirčuka «Varažbit». Ale kupić kvitki na padzieju ŭžo niemahčyma, paviedamili Reform.by čytačy.
29.03.2023 / 15:38
Ivan Kirčuk padčas prezientacyi svajoj knihi. Fota: «Źviazda»
Śpiektakl źniaty z afišy, patłumačyli ŭ adnoj z teatralnych kas horada. U inšych kasach padzieja prosta pierastała adlustroŭvacca ŭ prahramie prapanoŭ.
Tolki ŭ hetym miesiacy ŭ prastory Łošyckaj siadziby adbyłasia prezientacyja alboma muzyki «Varažbit» i tvorčaja sustreča. Pra padzieju pisała hazieta «Źviazda».
22 krasavika na hałoŭnaj scenie Kupałaŭskaha teatra płanavaŭsia vialiki monaśpiektakl muzyki, prymierkavany da 40-hodździa jaho tvorčaj dziejnaści. «Varažbit» — monapastanoŭka, jakuju Ivan Kirčuk hraje i pierastvaraje ŭžo 20 hadoŭ: dzieja napaŭniajecca novym źmiestam, zychodziačy z materyjałaŭ, znojdzienych muzykam i źbiralnikam falkłoru ŭ etnaekśpiedycyjach.
«Padčas śpiektakla prahučyć bolš za 50 biełaruskich archaičnych piesień, źviazanych z kalendarom prodkaŭ, siamiejnymi abradami i tradycyjami ŭsich rehijonaŭ Biełarusi. Šyroka vykarystoŭvajucca rekvizit etnałabaratoryi, sabrany Kirčukom padčas ekśpiedycyj, lalki, maski, batlejka», — usio jašče dajecca apisańnie śpiektakla na sajcie Kupałaŭskaha.
Čytajcie taksama:
Spyniŭ isnavańnie etna-hurt «Troica»
Ivan Kirčuk prezientavaŭ svaju novuju knihu. Jon pracavaŭ nad joj 40 hadoŭ