Alaksiej Daniłaŭ: Ukraina nie razryvaje dypłamatyčnych adnosin ź Biełaruśsiu, kab nie pravakavać Łukašenku
Sakratar Rady nacyjanalnaj biaśpieki Ukrainy Alaksiej Daniłaŭ u intervju «Radyjo Svaboda» patłumačyŭ, čamu Kijeŭ dahetul nie razryvaje dypłamatyčnych adnosin z aficyjnym Minskam.
27.02.2023 / 16:54
«Čałaviek, jaki na siońniašni dzień maje na terytoryi Biełarusi peŭnyja paŭnamoctvy, jon tak ličyć, jon kantraluje ŭsiu situacyju.
Vy chočacie, kab my siońnia pravakavali situacyju adnosna peŭnych pracesaŭ na terytoryi Biełarusi? Ja tak nie liču.
Usio, što adbyvajecca, my razumiejem. Viadoma, usie pracesy, jakija tam jość, u Biełarusi, dla nas peŭny vyklik. I vy pavinny razumieć, što ŭ nas niama nijakaha žadańnia, kab z terytoryi Biełarusi byli dadzienyja zahady mienavita biełaruskaj armii ŭryvacca na našu terytoryju. My robim usio mahčymaje, kab hetaha nie adbyłosia», — skazaŭ ukrainski čynoŭnik.