Ilja Mironaŭ vyjšaŭ na volu paśla 12 sutak aryštu
Pra svajo vyzvaleńnie paviedamiŭ sam Mironaŭ u fejsbuku.
20.12.2022 / 19:55
«Aryštavali za padpisku na ekstremisckija supołki ŭ fejsbuku. Vyjšaŭ siońnia ŭ 18:10», — napisaŭ Ilja Mironaŭ.
Pavodle słoŭ aktyvista, jahony telefon kanfiskavali.
Niezadoŭha da hetaha Mironaŭ adbyŭ 5 sutak aryštu pavodle art. 19 KaAP (raspaŭsiud ekstremisckaj pradukcyi).
Varta adznačyć, što prakuratura zapatrabavała pierahladu spravy Ilji Mironava za «raspalvańnie varožaści», pavodle jakoj jon byŭ asudžany na paŭtara hoda źniavoleńnia.
Padčas śledstva vałancior pravioŭ amal hod u SIZA da suda — hety termin byŭ pryznany adbytym, paśla čaho Ilja adpraviŭsia dadomu prosta z zały suda.