Litva zacikaviłasia infarmacyjaj, što Juryj Čyž zarabiŭ šmat hrošaj praz čornyja schiemy razam ź litoŭskim partnioram
Litva inicyjuje pravierku pa fakcie z rasśledavańnia žurnalistaŭ, što Juryj Čyž ź litoŭskim partnioram zarabili bolš za 5 miljardaŭ dalaraŭ u Biełarusi, pradajučy naftapradukty pad vyhladam rastvaralnikaŭ, piša Biełaruski rasśledavalnicki centr.
14.11.2022 / 20:34
Dva tydni tamu Biełaruski rasśledavalnicki centr apublikavaŭ rasśledavańnie ab tym, jak kaliści hałoŭny «kašalok» Łukašenki Juryj Čyž razam sa svaim litoŭskim partnioram Vitaldam Tamašeŭskim zarabili miljardy na tannych rasijskich naftapraduktach, pradajučy ich pad vyhladam rastvaralnikaŭ.
Ciapier stała viadoma, što infarmacyju z rasśledavańnia pieradaduć u słužbu rasśledavańnia finansavych złačynstvaŭ i ŭ Departamient dziaržaŭnaj biaśpieki Litvy.
«Apublikavanaje žurnalisckaje rasśledavańnie vyklikaje surjoznuju tryvohu, pakolki jano raskryvaje schiemu vializnaha abjomu, u centry jakoj znachodziacca tak zvanyja «kašalki» biełaruskaha režymu, a razam ź imi pracujuć i hramadzianie Litvy», — skazaŭ kiraŭnik Kamiteta nacbiaśpieki i abarony litoŭskaha parłamienta Łaŭrynas Kaščunas.