Štodzień vypivajcie na hałodny straŭnik šklanku haračaj vady
U takoje śpiakotnaje leta chočacca nazaŭsiody admovicca ad haračych napojaŭ, ale ž heta pamyłka. Ciopłyja vadkaści bolš karysnyja. Naprykład, kali pić kožnuju ranicu šklanku haračaj vady, heta moža mocna na vas paŭpłyvać.
22.08.2022 / 17:34
Fota: pixabay.com
Adna abo niekalki šklanak haračaj vady kožnuju ranicu — samy prosty i ŭ toj ža čas biaśpiečny sposab schudnieć. Naprykład, kali pić takuju vadu na hałodny straŭnik i paśla kožnaha pryjomu ježy, heta palepšyć vaš mietabalizm, i vy daŭžej budziecie adčuvać siabie sytym. Vy radziej budziecie ciahnucca pa pierakusy.
Haračaja vada lepš, čym chałodnaja, dapamahaje vydalać taksiny z nyrak. Kali my pjom haračaje, my pavyšajem tempieraturu cieła i praz heta stymulajem vydzialeńnie potu, što i spryjaje ačyščeńniu ad taksinaŭ i niepatrebnych praduktaŭ mietabalizmu.
Narešcie, haračaja vada stymuluje pracu straŭnika i kišečnika, što palahčaje praces stravavańnia. Heta efiektyŭny naturalny srodak ad zaporaŭ, młosnaści i adčuvańnia ciažkaści paśla ježy, ź jakim znajomyja šmat ludziej.
Rekamiendujecca pić haračuju vadu na hałodny straŭnik, prykładna za paŭhadziny da śniadanka i praz hadzinu paśla kožnaha pryjomu ježy. Možna dadać u jaje dolku limona, imbir i śviežuju miatu. Nie picie tolki što kipiačonaj vadu, kab nie abpiakać rot i stravavod, lepiej dajcie joj astyć, i nie razahravajcie vadu ŭ mikrachvaloŭcy.