100 dzion vajny — dramatyčnyja i emacyjnyja kadry
Bol, razbureńni, adčaj, śmierć, mužnaść, achviarnaść, nadzieja. 100 dzion vajny Ukraina zmahajecca suprać rasijskich intervientaŭ. Miljony ludziej vymušany byli pakinuć dom. Inšyja zapisalisia ŭ sałdaty, frantavyja miedyki i vałanciory, kab jaho abaraniać. U hetych kadrach — drama, jakuju pieražyvaje ŭkrainski narod i za jakoj sočyć uvieś śviet.
03.06.2022 / 10:45
Madonna z Kijeŭskaha mietro. Taćciana Bliźniuk z dačkoj Maryčkaj chavajucca ad bomb. Karcina, napisanaja z hetaj fatahrafii, stała ikonaj u chramie italjanskaha Nieapala. 26 lutaha 2022 h. Fota: Andraš Fieldeš, Teleks
Budynak meryi na centralnaj płoščy paśla abstrełu Charkava, Ukraina, 1 sakavika 2022 h. Fota: AP
Dzieci vyhladvajuć z akna vahona avaryjna-evakujacyjnaha ciahnika, jaki nie aciaplajecca. Ciahnik rušyŭ z Charkava ŭ Lvoŭ i spyniŭsia na kijeŭskim vakzale, dzie i byŭ zrobleny hety zdymak. 3 sakavika 2022 h. Foty: AR, Andrej Dubčak
Ratavalniki raźbirajuć zavały paśla abstrełu ŭ Charkavie. 4 sakavika 2022 h. Fota: Dziaržaŭnaja słužba nadzvyčajnych spraŭ Ukrainy
Ludzi pad razburanym mastom, sprabujuć vybracca praz raku Irpień. 5 sakavika 2022 h. Fota: AP Photo / Emilio Morenatti
U maryupalskaj balnicy. U kadry — doktar, paśla taho jak nie zmoh uratavać maleńkaje dzicia, jakoje paciarpieła ad abstrełu. 5 sakavika 2022 h. Fota: Jaŭhien Małaletka / AR
U maryupalskaj balnicy. Fota: Jaŭhien Małaletka / AR
Marjana Vyšahirskaja kala razbomblenaj radzilni ŭ Maryupali. Heta ciažarnaja madel stała abjektam ckavańnia rasijskaj prapahandy, jakaja abvinavačvała jaje ŭ pastanovačnym kadry. 9 sakavika 2022 h. Fota: Mścisłaŭ Čarnoŭ, AP Photo
Vałanciorka Nasta, jakaja vyratavała ź Irpienia 19 biazdomnych sabak. 10 sakavika 2022 h. Fota: Christopher Occhicone
U Maryupali ŭ žyłym domie paśla abstrełu tankaŭ rasijskaj armii adbyŭsia vybuch. 11 sakavika 2022 h. Fota: AP / Evgeniy Malaletka
Pomnik dziuku de Ryšylje ŭ Adesie, abkładzieny miachami ź piaskom, kab abaranić jaho ad abstrełaŭ. 21 sakavika 2022 h. Fota: Alaksandr Ziankovič
Mužčyna jedzie na rovary siarod supraćtankavych vožykaŭ. Adesa, vulicy Dzierybasaŭskaja. 27 sakavika 2022 h. Fota: Alaksandr Ziankovič
Badziažny sabaka supravadžaje bajca padraździaleńnia «Odin», kali jon chavajecca ŭ budynku padčas apieracyi začystki rešty rasijskich vojskaŭ u Irpieni. 29 sakavika 2022 h. Fota: Daniel Berehulak-Rodriguez / NYT
Ukrainskija sałdaty na froncie. Hety kadr zrabiŭ viadomy ŭkrainski fotažurnalist Maks Levin, jaki zahinuŭ na vajnie. Suviaź ź im źnikła 13 sakavika, kali Levin pajechaŭ rabić fotarepartaž u rajon aktyŭnych bajavych dziejańniaŭ kala Kijeva. Jahonaje cieła znajšli kala vioski Huta Miežyhorskaja. U Levina zastałosia čaćviora niepaŭnaletnich synoŭ, hramadzianskaja žonka i pažyłyja baćki.
Ukrainskija ŭciekačy adpačyvajuć u pakoi dla načlehu ŭ horadzie Žešaŭ, Polšča. Z pačatku vajny ŭ Jeŭropu vyjechała 7 miljonaŭ biežancaŭ z Ukrainy. 30 sakavika 2022 h. Fota: Nadzieja Bužan
Kiraŭnik Charkaŭskaj abłasnoj vajennaj administracyi Aleh Siniahubaŭ u svaim kabiniecie. Rasijskija rakiety ŭpali prosta pierad budynkam za miesiac da hetaha. Tady zahinuli 29 čałaviek. 1 krasavika 2022 h. Fota: Pavieł Darahoj
Žychar Bučy Vasil sa ščaniukom Muchtaram na rukach staić na vulicy źniščanaha horada. Krasavik 2022 h. Fota: Santi Palacios
Rasijskija vojski paśla adstupleńnia z Kijeŭskaj vobłaści pakinuli strašnyja ślady. Siało Matyžyn Makaraŭskaha rajona. Rasstralanyja dźvie žančyny i čaćviora mužčyn. Zabityja strełam u patylicu, u niekatorych ludziej ruki źviazanyja za śpinoj. Adna z žančyn — starasta siała, adzin z mužčyn — jaje syn. 2 krasavika 2022 h.
Brackaja mahiła ŭ Bučy, 3 krasavika 2022 h. Fota: Rodrigo Abd / AP
Abstralanaja mašyna ŭ vioscy Stojanka pad Irpieniem. 3 krasavika 2022 h. Fota: Alaksandr Vasiukovič
Zasmučany prezident Ukrainy Uładzimir Zialenski padčas naviedvańnia Kijeŭščyny, jakuju vyzvalili ad rasijskich vojskaŭ. 4 krasavika 2022 h. Fota: president.gov.ua
Ślady rasijskaj akupacyi ŭ Traściancy na Sumščynie. 5 krasavika 2022 h. Fota: Stas Yurchenko / Grati
Acalełaja kuchonnaja šafa z kieramičnym pieŭnikam z Baradzianki, vyzvalenaj ad rasijskich vojskaŭ, stała simvałam stojkaści ŭkraincaŭ. 8 krasavika 2022 h. Fota: agremantida / Twitter
Kijeŭščyna. Rasijanie zabili ludziej, jakija jechali na mašynie, a paśla spalili ich cieły. Miascovyja žychary pachavali zabitych, a kab rodnyja choć kali mahli znajści svaich blizkich, nad mahiłaj pakinuli numarny znak. Fota: Thomas C. Theiner.
7-hadovy Jahor trymaje draŭlanuju cacačnuju strelbu na fonie źniščanaj rasijskaj vajskovaj techniki. Vakolicy Čarnihava. 17 krasavika 2022 hoda. Fota: AR / Jaŭhien Małaletka
Maryupalski dziońnik 8-hadovaha chłopčyka. «U mianie pamierli dva sabaki, babula Hala i lubimy horad Maryupal», — napisana dziciačaj rukoj. Fota: Jaŭhien Sasnoŭski
Premjer Vialikabrytanii Borys Džonsan na ciahniku z Polščy va Ukrainu. 10 krasavika 2022 h. Fota: Sky news
Charkaŭskaje mietro na čas vajny ludziam zamianiła dom. Krasavik 2022 h. Fota: Yuki Iwamura
Irpieńskija mohiłki. 25 krasavika 2022 h. Fota: AP Photo/Emilio Morenatti
Sabaka Patron. Jamu dva hady, heta duša i talisman čarnihaŭskich piratechnikaŭ. Sabaka supravadžaje ich zaŭždy i paŭsiul. Fota: Dziaržaŭnaja słužba nadzvyčajnych spraŭ Ukrainy
Znakamity kot-błohier Ściapan razam z haspadarami evakujavaŭsia z Charkava ŭ Francyju. Za jaho losam sačyli miljony padpisantaŭ. Fota: instahram kata Ściapana
Bajec biełaruskaha pałka Kalinoŭskaha Alaksiej, pazyŭny «Psichołah», straciŭ nahu paśla prylotu tankavaha snarada. Fota: połk Kalinoŭskaha
Viadoma pra šaściora biełarusaŭ, jakija zahinuli va Ukrainie ź lutaha 2022 hoda, zmahajučysia suprać rasijskich intervientaŭ. Heta Kanstancin «Fieniks» Dziubajła, Alaksiej «Tur» Skobla, Illa «Litvin» Chrenaŭ, Pavieł «Vołat», Źmicier «Teror» Apanasovič i Źmicier «Hans» Rubašeŭski.
Abaronca Maryupala ŭ padvałach «Azoŭstali». 10 maja 2022 h. Fota: Dźmitryj Kazacki
Ukrainski vajskoviec pad promniami sonca na terytoryi zavoda «Azoŭstal», dzie zabłakavanyja sałdaty i žychary horada. Połk «Azoŭ» mužna trymaŭ abaronu šmat dzion. 16 maja 2022 h. Fota: Dźmitryj Kazacki
Ukrainskija vajskoŭcy siadziać u aŭtobusie paśla taho, jak ich vyvieźli z «Azoŭstali» rasijskija sałdaty, kala papraŭčaj kałonii ŭ Alonaŭcy na terytoryi «DNR». 20 maja 2022 h. Fota: AP
Nastupstvy maštabnych razbureńniaŭ u Irpieni. 28 maja 2022 h. Fota: UNIAN