Намеснік старшыні Свабоднага прафсаюза металістаў знаходзіцца ў СІЗА КДБ
Намеснік старшыні Свабоднага прафсаюза металістаў Аляксандр Еўдакімчык знаходзіцца ў СІЗА КДБ. Яго затрымалі ўчора, а дома правялі ператрус. Прычына затрымання невядомая, паведамляе «Вясна».
20.04.2022 / 18:15
Еўдакімчыка затрымлівалі ў лютым і асудзілі на 17 сутак арышту. У канцы сакавіка Аляксандра зноў затрымалі. Па абвінавачванні ў непадпарадкаванні міліцыі паводле арт. 24.3 КаАП ён атрымаў 15 сутак адміністрацыйнага арышту.
Нагадаем, што ўчора ў офісах і дома ў сяброў незалежных беларускіх прафсаюзаў прайшлі ператрусы, некаторых з іх затрымалі. Сёння паведамлялася, што 14 прафсаюзнікаў не выходзяць на сувязь.