Navukoŭcy raskazali pra niebiaśpieku sojevych praduktaŭ
Sojevyja pradukty, jakija mnohija prychilniki zdarovaha charčavańnia ŭžyvajuć u jakaści zamieny miasa i karovinaha małaka, mohuć surjozna škodzić zdaroŭju, piša vydańnie Health.News sa spasyłkaj na vysnovy francuzskich navukoŭcaŭ.
24.02.2022 / 11:00
Fota: depositphotos.com
Aŭtary daśledavańnia praanalizavali 55 praduktaŭ z soi, u tym liku desierty, sousy i napoi i vyśvietlili, što ŭ soi vielmi vysoki ŭzrovień fitaestrahienaŭ, zdolnych upłyvać na harmanalny fon, a ŭ asobnych vypadkach navat pravakavać uźniknieńnie ankałahičnych zachvorvańniaŭ.
Niebiaśpieku ŭ soi taksama ŭtojvajuć hierbicydy, jakimi apyrskvajuć kulturu. U SAAZ hetyja rečyvy kłasifikujucca jak «vierahodny kancerahien».
Akramia taho ŭ soi ŭtrymlivajucca elemienty, jakija źnižajuć zasvajeńnie kalcyju, žaleza, cynku, mahniju i białku. Bolš za toje, jany błakujuć sintez harmonaŭ ščytapadobnaj załozy, pravakujuć hipateryjoz i ankałohiju.
Raniej daśledčyki z Tafckaha ŭniviersiteta ŭ ZŠA vyśvietlili, što ankałahičnyja zachvorvańni niaredka ŭźnikajuć z-za niezbałansavanaj dyjety, u jakoj zanadta šmat pierapracavanaha miasa i cukru, a krup, sadaviny, harodniny i małočnych praduktaŭ niedastatkova.