Можа таму, што гэтая жанчына родам з Беларусі.
Беларуску Соф'ю Гройсман (у дзявоцтве — Ходаш) лічаць найлепшым носам ЗША. Стваральніца культавых водараў, такіх як Tresor ад Lancome і Eternity ад Calvin Klein, нарадзілася пад Навагрудкам у сям’і партызана. Знаёмімся з адной з самых уплывовых асобаў у парфумерным свеце бліжэй.
Зося Гройсман нарадзілася 8 сакавіка 1945 у Любчы пад Навагрудкам. Бацька дзяўчынкі, Пятро Ходаш, быў у партызанах. Калі дзяўчынцы споўнілася 15 гадоў, сям’я пераехала ў Польшчу. Тады многія беларускія каталікі так уцякалі з савецкага раю. У Польшчы ўсё ж жылося свабадней. Там дзяўчына пачала вывучаць неарганічную і аналітычную хімію. Там жа атрымала ступень бакалаўра.
Крыху пазней Ходашы перабраліся ў ЗША. Запрашэнне было атрымана ад габрэйскай сям’і, якую выратаваў падчас фашысцкай акупацыі бацька Соф'і.
Як паведамляюць шматлікія крыніцы, Соф'я Гройсман вельмі сціплая. Яна не любіць публічных ўсхваленняў і кампліментаў. І, у цэлым, не выглядае як вельмі забяспечаная жанчына, якая жыве ў прэстыжным раёне Манхэтэна. Адзначаецца, што гэты запатрабаваны парфумер заўсёды носіць модную, але простую і зручную вопратку і абутак.
Разам з тым, Гройсман атрымала шматлікія прэстыжныя ўзнагароды за перамогі ў міжнародных конкурсах парфумернай індустрыі. Яе віншавалі галоўныя парфумерныя дызайнеры ЗША, Канады, Еўропы. З ёй кансультаваліся, у яе спрабавалі вызнаць сакрэты, а Lancome да гэтага часу не губляе надзеі перавабіць Соф'ю ў Парыж назаўжды.
«Я вельмі люблю і паважаю свайго бацьку. Ён быў сумленным і бясстрашным чалавекам. Ён вельмі моцна нас любіў. Я памятаю яго вочы, калі мне ўручалі прэмію Living Legend Award ад Амерыканскага таварыства парфумераў. Ён быў абсалютна шчаслівы», — успамінае Сафія.
Гройсман ў парфумерным свеце называюць адным з тытанаў. Кожны з нас ведае яе парфумы. Некаторыя з іх з’яўляюцца сімваламі эпохі і выклікаюць у нашай памяці дарагія сэрцу ўспаміны: Lancome Tresor, Bvlgari Pour Femme, Calvin Klein Eternity, Estee Lauder White Linen, Yves Saint Laurent Paris і многія іншыя.
У Сафіі Гройсман — унікальны нюх. Яе духі Tresor па колькасці продажаў перасягнулі CHANEL № 5.Яна стварала парфуму і адэкалоны для многіх знакамітых людзей. У шматлікіх артыкулах згадваецца, што сярод замоўцаў былі Элізабэт Тэйлар, Лора Буш, Кельвін Кляйн і… Аляксандр Лукашэнка.
Да нядаўняга часу Сафія Гройсман працавала
Яе водары такія ж моцныя, як і іх стваральніца: «Я не люблю выкарыстоўваць мужчынскія інгрэдыенты ў жаночых водарах. Я стамілася ад лімонаў і азону. Яны сімвалізуюць хутчэй чысціню, чым пачуццёвасць. Такія інгрэдыенты добрыя для бялізны ці асвяжальніка паветра. У маіх водарах ім не месца. Я хачу, каб вы цалкам адчувалі сябе жанчынай!».
Любімая кветка Гройсман — ружа. Можа, таму Соф'ю ў парфумерным бізнэсе называюць «каралевай ружы».
— Калі не сакрэт, колькі флаконаў звычайна стаіць на вашым туалетным століку?
— На маім століку наогул нічога не стаіць. А калі сур’ёзна, то штодня я звычайна карыстаюся рознымі «эксперыментамі». У залежнасці ад пары года і настрою я таксама выкарыстоўваю «старыя» водары. Журналісты часта пытаюць мяне, якая створаная мной парфума самая любімая. Я адказваю, што ў мяне няма любімых: парфумы як дзеці, сярод іх няма нелюбімых. Хоць часта сустракаюцца так званыя цяжкія падлеткі: гэта парфумы, з замоўцамі якіх у мяне складваліся даволі складаныя адносіны.
— Ці праўда, што ў сваіх мемуарах вы збіраецеся назваць вядомыя парфумы, што былі створаныя вамі, але прыпісаныя сабе іншымі людзьмі?
— Упэўненая, што гэтая кніга стане бэстсэлерам.
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?11
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары