У Мінску затрымана сем удзельнікаў акцыі ў памяць пра выкрадзенага міністра ўнутраных спраў Юрыя Захаранку. Сярод затрыманых — лідэр Аб’яднанай грамадзянскай партыі Анатоль Лябедзька.
Удзельнікі акцыі сабраліся ў 15.00 каля універсама «Магілёўскі» і адтуль у суправаджэнні супрацоўнікаў міліцыі прайшлі да дома па вуліцы Жукоўскага, дзе жыў Юрый Захаранка. Пасля таго, як удзельнікі акцыі ўсклалі кветкі да сцен дома, іх пасадзілі ў мікрааўтобус і павезлі ў невядомым напрамку.
Дзе зараз знаходзяцца затрыманыя, невядома. Анатоль Лябедзька на тэлефонныя званкі не адказвае.
Генерал‑маёр Юрый Захаранка знік 11 гадоў таму, 7 мая 1999 года, пры нявысветленых акалічнасцях.
Падчас выбараў першага прэзідэнта Беларусі ён уваходзіў у каманду Аляксандра Лукашэнкі, а ў 1994—1996 гадах займаў пасаду міністра ўнутраных спраў.
Сышоўшы ў апазіцыю, у 1998 годзе Захаранка стаў членам «ценявога ўрада», дзе ўзначаліў камітэт па бяспецы. Вясной 1999 года генерал браў актыўны ўдзел у арганізаванай апазіцыяй кампаніі па выбарах прэзідэнта. Ён увайшоў у каманду экс‑прэм’ера Міхаіла Чыгіра, ездзіў па краіне, арганізоўваў групы па зборы подпісаў.
Карыстаючыся аўтарытэтам сярод супрацоўнікаў МУС, Захаранка стварыў альтэрнатыўны саюз афіцэраў. Паводле адной з версій, менавіта гэта і стала асноўнай прычынай раптоўнага знікнення былога міністра. Яго выкралі вечарам 7 мая ў раёне вуліцы Магілёўскай у Мінску па дарозе дадому. У хуткім часе сям’я Захаранкі атрымала палітычны прытулак у Германіі.
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?12
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары