Журналістка БТ абурылася навіной пра сябе: Гэта была мая першая самастойная паездка ў Еўропу
22-гадовая Паліна Калачык вядзе тыкток БТ. «Наша Ніва» нядаўна пісала пра яе. Дзяўчыне не спадабалася ўвага да яе замежных паездак.
«Нядаўна з'ездзіла ў Іспанію і Італію — і з гэтага апазіцыйныя сайты зрабілі «навіну». Гэта была мая першая, па сутнасці, дарослая самастойная паездка ў Еўропу, да гэтага была там у 2018 годзе па адукацыйнай праграме. Але інфармацыю вырвалі з кантэксту, дадумалі, прыдумалі… Ну што ж, гэта праца нашых нядобразычліўцаў, хай пішуць. Хоць адразу, вядома, было непрыемна», — абурылася Паліна ў інтэрв'ю «СБ. Беларусь сегодня».
Дзяўчына адзначыла, што пакуль не настолькі медыйная асоба, каб яе пазнавалі на вуліцах. Хоць хлопцы з ваенна‑патрыятычных клубаў, якія заходзілі ў рэдакцыю, яе пазналі.
У тыктоку БТ Паліна робіць часцей забаўляльныя ролікі. Але расказвала таксама пра нарады ў Лукашэнкі і Усебеларускі народны сход. Лукашэнку яна ў сваіх роліках называе «бацькам».
Лукашэнка прызнаў, што мае патрэбу ў адпачынку і што вялікая колькасць людзей яго праклінае43
Каментары