Смаленская мытня адкрыла шэсць крымінальных спраў за прадстаўленне ў падатковыя органы дадзеных падстаўных асоб, што пацягнула ўнясенне звестак у Адзіны дзяржаўны рэестр юрыдычных асоб, паведамляе прэс-служба ведамства.
Чацвёра жыхароў Смаленска ва ўзросце да 30 гадоў прадставілі персанальныя звесткі і далі згоду стаць намінальнымі дырэктарамі шасці кампаній за грашовую ўзнагароду ад 10 да 15 тысяч расійскіх рублёў (100 — 150 даляраў). Як высветлілі расійскія мытнікі, пошукам падстаўных асоб і іх суправаджэннем для рэгістрацыі ў падатковых органах займаліся грамадзянін Беларусі і група неўстаноўленых асоб.
Звычайна такія фірмы ствараюцца для здзяйснення такіх злачынстваў, як ухіленне ад выплаты падаткаў і мытных плацяжоў, парушэнне валютнага заканадаўства, розныя віды кантрабанды і махлярства, тлумачыць начальнік Смаленскай мытні Рустам Якубаў.
У дачыненні да грамадзяніна Беларусі і групы неўстаноўленых асоб, якія ўдзельнічалі ў незаконным стварэнні юрыдычных асоб, адкрытыя шэсць крымінальных спраў.
Расійскія мытнікі перасцерагаюць ад перадачы персанальных даных староннім асобам, бо гэта можа мець негатыўныя наступствы, такія як адкрыццё крымінальнай справы.
Лукашэнка прызнаў, што мае патрэбу ў адпачынку і што вялікая колькасць людзей яго праклінае48
Каментары