Кая Калас, Урсула фон дэр Ляен, Антонію Кошта. Узгодненыя кандыдатуры на ключавыя пасады ў еўраструктурах
Перамоўцы ад галоўных палітычных сілаў Еўрасаюза заключылі пагадненне аб размеркаванні найвышэйшых пасадаў у еўраструктурах пасля нядаўніх выбараў у Еўрапарламент, паведамляе Euronews.
![](http://nnexpictures.fra1.digitaloceanspaces.com/img/w732d4webp1/photos/z_2024_06/1920-european-flags-in-front-of-the-berlaymont-building-jlauk.jpg.webp)
Паводле дамоўленасці, на сваёй пасадзе на другі тэрмін на наступныя 5 гадоў застанецца кіраўніца Еўрапейскай камісіі Урсула фон дэр Ляен з Германіі.
![](http://nnexpictures.fra1.digitaloceanspaces.com/img/w732d4webp1/photos/z_2023_06/ursula_von_der_laen_ap230620-y8vc2.jpg.webp)
Пасаду вярхоўнага прадстаўніка Еўрасаюза па замежных справах і палітыцы бяспекі зойме цяперашняя прэм’ер-міністарка Эстоніі Кая Калас. Яна заменіць на месцы галоўнага дыпламата ЕС Жазэпа Барэля з Іспаніі.
![](http://nnexpictures.fra1.digitaloceanspaces.com/img/w732d4webp1/photos/z_2024_06/ap24109322268011-334u0.jpg.webp)
А новым старшынёй Еўрапейскай рады замест бельгійца Шарля Мішэля стане былы прэмʼер-міністр Партугаліі Антонію Кошта.
![](http://nnexpictures.fra1.digitaloceanspaces.com/img/w732d4webp1/photos/z_2024_06/ap24169293516428-hr5ef.jpg.webp)
Афіцыйна кандыдатуры на гэтыя пасады павінны быць зацверджаныя на саміце ЕС, які адбудзецца 27 чэрвеня.
Урсуле фон дэр Ляен яшчэ спатрэбіцца падтрымка Еўрапарламента, новы склад якога збярэцца на ўстаноўчае пасяджэнне ў сярэдзіне ліпеня.
Каментары