Новым генеральным сакратаром Рады Еўропы абралі былога прэзідэнта Швейцарыі
Генеральным сакратаром Рады Еўропы ў наступныя 5 гадоў будзе былы прэзідэнт Швейцарскай Канфедэрацыі Ален Берсе. У другім туры галасавання на летняй сесіі Парламенцкай асамблеі Рады Еўропы ў Страсбургу за яго аддалі 114 галасоў.
![](http://nnexpictures.fra1.digitaloceanspaces.com/img/w732d4webp1/photos/z_2024_06/alain_berset_stnderatsprsident_2009_autogrammkarte-2-t4i0c.jpg.webp)
Эстонскі кандыдат Індрэк Саар набраў 85 галасоў, бельгіец Дзідзье Рэйндэрс — 46.
Раней гэтую пасаду 5 гадоў займала прадстаўніца Харватыі Марыя Пейчынавіч-Бурыч.
Ален Берсэ займаў пасаду прэзідэнта Швейцарыі ў 2018 і 2023 гадах. У гэтай краіне прэзідэнта абіраюць з ліку членаў Федэральнай рады, калектыўнага кіраўніцтва Швейцарыі, якое складаецца з сямі чалавек. Нават фармальна прэзідэнт там не з'яўляецца кіраўніком дзяржавы, ён толькі першы сярод роўных. Членам Федэральнай рады Берсэ быў з 2012 па 2023 гады.
Каментары