Грамадства1717

Дабравольскі і Халезін выйшлі з Каардынацыйнай рады — прычына ў кожнага свая

Стала вядома, што Аляксандр Дабравольскі, які быў лідарам «Еўрапейскага выбару», адмовіўся ад свайго мандата сябра Каардынацыйнай рады. Тое самае зрабіў і Мікалай Халезін з гэтага ж спісу.

Аляксандр Дабравольскі і Мікалай Халезін

У каментары «Нашай Ніве» Аляксандр Дабравольскі патлумачыў свой сыход праблемамі са здароўем:

«Апошнім часам я часта адчуваю сябе кепска. Магчыма, гэта ад стомленасці, магчыма — па іншых прычынах. Я патлумачыў гэта калегам, яны ўспрынялі маё рашэнне з разуменнем».

Дабравольскі быў лідарам спіса «Еўрапейскі выбар», другім нумарам у ім ішла Аліна Коўшык.

«Цяпер будуць фармавацца фракцыі. І кіраўніцтва фракцыі будзе абранае тымі сябрамі нашага спісу, якія прайшлі ў КР», — удакладніў суразмоўца.

Што тычыцца Мікалая Халезіна, ён і раней заяўляў пра свой магчымы выхад з КР пасля выбараў.

«Можа, будзе лепей, калі пройдзе наступны чалавек [са спісу] пасля мяне. Я застануся ў рангу памочніка, дарадцы, каго заўгодна ў гэтай групе. Гэта твой выбар — як ты плануеш далей. Таму што калі я не магу надаваць максімум сваёй увагі гэтаму, то хіба што варта саступіць тым, хто можа», — тлумачыў ён журналістам.

«У мяне вельмі насычаны год: у верасні сусветная прэм'ера спектакля, потым яго амерыканскі і сусветны тур, у лістападзе — прэм'ера фільма і далей распісаны ўвесь год. Я разумею, што не хачу падводзіць людзей і таму саступіў сваё месца чалавеку, які зможа аддаваць гэтаму больш часу», — распавёў «Нашай Ніве» Мікалай Халезін.

Пры гэтым ён адзначыў, што застаецца ў кантакце з фракцыяй і офісам.

«Тое, што я перадаў сваё месца ў КР не значыць, што я адыходжу ад грамадскай дзейнасці. Хутчэй гэта можна назваць «аптымізацыяй працэсу»».

Замест Дабравольскага і Халезіна ў Каардынацыйную раду ўвайшлі прадстаўніца Народнай амбасады Беларусі ў Славеніі Аляксандра Мамаева і Марыя Яфімава, якая працуе персанальнай трэнеркай у ЗША.

Каментары17

  • Гляджу спіс
    18.06.2024
    Калі яшчэ чатыры чалавекі са спісу Дабравольскага адмовяцца ад удзелу ў КР, то ў КР увойдзе...Юлія Сліўко.
  • Околоактёр
    18.06.2024
    Халезин это крайне мутный типчик. Ко всей его деятельности стоит относится с максимальным подозрением
  • мясцовы2
    18.06.2024
    Парожняе нараджае парожняе

Хлопец знік у лесе пад Сянном і знайшоўся толькі праз 25 гадоў. Яго сястра расказвае, як так атрымалася

Хлопец знік у лесе пад Сянном і знайшоўся толькі праз 25 гадоў. Яго сястра расказвае, як так атрымалася

Усе навіны →
Усе навіны

Полк Каліноўскага адмаўляе датычнасць Рыка Крыгера да падраздзялення

Расстрэльная справа Рыка Крыгера тычыцца яго ўдзелу ў Палку Каліноўскага — праваабаронцы5

У цэнтры Мінска легла на бок машына міліцыі ВІДЭА9

У Мінску будуць судзіць вядомага канцэртнага фатографа

У Ізраілі пры атацы дрона загінуў рэпатрыянт з Беларусі

Інтэрпал выключыў са свайго «чырвонага спісу» рэжысёра Андрэя Гнёта. Але гэта яшчэ не канец справы1

Польскія спецслужбы расследуюць пагрозу забойства Паўла Латушкі 10

«Дзеці гулялі, а змяя плавала ў лужыне». У раёне Барысава нашэсце гадзюк — камунальнікі не рэагуюць5

Перасаджвацца ў іншы аўтобус у чарзе на мяжы больш нельга? Здаецца, так3

больш чытаных навін
больш лайканых навін

Хлопец знік у лесе пад Сянном і знайшоўся толькі праз 25 гадоў. Яго сястра расказвае, як так атрымалася

Хлопец знік у лесе пад Сянном і знайшоўся толькі праз 25 гадоў. Яго сястра расказвае, як так атрымалася

Галоўнае
Усе навіны →