Грамадства1818

Кірыл Руды знайшоў сабе новую працу ў Дубаі, але зусім не па статусе

Аб тым, што былы дарадца Лукашэнкі Кірыл Руды ў актыўным пошуку працы, можна было зразумець па яскрава-зялёным надпісе «#opentowork» («адкрыты да работы»), якім ён абраміў сваё фота ў прафесійнай сацыяльнай сетцы Linkedin — усё, каб прыцягнуць увагу працадаўцаў. Выглядае, што працу Руды нарэшце знайшоў, але не зусім тую, якой можна было б ганарыцца з ягоным рэзюмэ.

«Мы рады прадставіць вам нашага новага дарадцу, доктара Кірыла Рудага. Доктар Руды валодае багатым вопытам работы ў якасці дарадцы Аляксандра Лукашэнкі і пасла Беларусі ў Кітаі», — такі допіс з'явіўся ў сацыяльных сетках эмірацкай кампаніі EurAsiaGulf. 

Кампанія, мякка кажучы, не карыстаецца вядомасцю і не мае рэпутацыі сур'ёзнай арганізацыі. Сэнс яе дзейнасці ў тым, каб праз супольныя мерапрыемствы знаёміць паміж сабой прадстаўнікоў бізнэсу постсавецкіх і арабскіх краін, якія шукаюць або грошы, або добрыя месцы і праекты для ўкладання інвестыцый. 

Салідныя арганізацыі і дарослыя бізнэсмены рэдка прыбягаюць да дапамогі такіх пасярэднікаў, таму што могуць арганізаваць сабе кантакты з патэнцыйнымі партнёрамі наўпрост.

Таму кампанія арыентуецца на мэтавую аўдыторыю прасцейшую і за гуманныя 40-50 еўра прапануе кліентам абеды з пасламі постсавецкіх і балканскіх краін, падчас якіх тыя паказваюць прэзентацыі пра бізнэс-магчымасці ў сваіх юрысдыкцыях. 

Няясна, наколькі ўвогуле паспяхова ідуць справы ў новай арганізацыі Рудага — сацсеткі кампаніі складаюцца з ботаў, а ў спісе праведзеных мерапрыемстваў не заўважана значных бізнэс-фігур.

Кірыл Руды

Руды, які стаў дарадцам па тэхналогіях і інавацыях, — самая буйная фігура сярод супрацоўнікаў EurAsiaGulf. Новыя калегі былога дарадцы Лукашэнкі — дыпламаты трэцяга эшалону і дробныя бізнэсмены.

Таксама невядома, ці давядзецца Рудаму для работы ляцець непасрэдна ў спякотныя Эміраты, або ён зможа выконваць кансалтынгавую працу дыстанцыйна.

Каментары18

  • Рудабуры
    12.06.2024
    Гэта ж тое самае, чым займаецца Ціханоўская і ейная "бізнэс-структура" АББА. Дадасца фотак у інсце!
  • Из США
    12.06.2024
    Честно говоря, всегда удивляла либеральная пурга его высказываний. Был многообещающий пузырь, который однажды должен был лопнуть. Гениального мыслителя не получилось.
  • Gorliwy Litwin
    12.06.2024
    я таксама свайго роду эканаміст,100%. Ён здаецца нават не адну кнігу награфаманіў, і быў галоўным запісным лібералам сярод лукашыстаў, з пункту гледжання нацдэмаўскіх СМІ 

Ярмошына расказала, каго дапусцяць да ўдзелу ў выбарах-20258

Ярмошына расказала, каго дапусцяць да ўдзелу ў выбарах-2025

Усе навіны →
Усе навіны

Ураган змёў кемпінг на Віліі, паведамляюць пра загінулага3

У Мінску шторм вырываў дрэвы і руйнаваў рэкламныя шчыты ФОТЫ і ВІДЭА15

Па Беларусі коціцца непагадзь, моцныя вятры і залевы ФОТЫ і ВІДЭА2

У мінчука скралі рэчы, пакуль ён купаўся ў Цнянскім вадасховішчы

«Каханне ўсяго майго жыцця». Арына Сабаленка пацвердзіла свае адносіны з бразільскім бізнэсменам16

«Бунт» з-за раёна, чаўнакі на паўзе і лёс старога парку. Чым жыве самы заходні горад Беларусі?

Аўстрыйскі палітолаг спрагназаваў, што пачатку вайны Расіі з НАТА можа папярэднічаць паўстанне палякаў у Беларусі. А чаму не бунт рэптылоідаў?10

«Мае аксэсуары прыносяць поспех, упэўненасць у сабе і грошы». Спявачка Галіна Шышкова стала дызайнеркай5

«Аказваецца, і на тым баку ёсць людзі». Маці Івана Падрэза ўсё ж не высяляюць6

больш чытаных навін
больш лайканых навін

Ярмошына расказала, каго дапусцяць да ўдзелу ў выбарах-20258

Ярмошына расказала, каго дапусцяць да ўдзелу ў выбарах-2025

Галоўнае
Усе навіны →