Пакуль вядомы не ўсе дэталі.
Змяненні законаў па пытаннях прадпрымальніцкай дзейнасці апублікавалі на Нацыянальным прававым інтэрнэт-партале.
Па новым законе да прадпрымальніцкай дзейнасці не адносіцца адвакацкая і натарыяльная праца, дзейнасць трацейскіх суддзяў, медыятараў, часовых навуковых калектываў, калектываў культурных мерапрыемстваў, дзейнасць фізічных асоб па выкарыстанні ўласных каштоўных папер, па набыцці і продажы токенаў. Не лічацца прадпрымальнікамі і ўладальнікі падсобных гаспадарак.
Каго будуць адносіць да юрыдычных асоб? Гэта малыя арганізацыі да 100 чалавек, сярэднія да 250 і буйныя, дзе больш за 250 супрацоўнікаў.
Фізасобы будуць мець права займацца прадпрымальніцкай дзейнасцю ў якасці рамесніка, уладальніка аграэкасядзібы, ІП, а таксама самастойна весці прафесійную дзейнасць.
Якімі відамі дзейнасці змогуць займацца індывідуальныя прадпрымальнікі, урад вызначыць да 1 ліпеня. ІП па тых відах дзейнасці, якіх не будзе ў пераліку, з 1 кастрычніка перастануць рэгістраваць.
На фінансавую падтрымку ад дзяржавы зможа прэтэндаваць таксама сярэдні бізнэс.
У законе для яго прапісаны такія віды падтрымкі: выдача фінансавых сродкаў на зваротнай (беззваротнай) платнай (бязвыплатнай) аснове на рэалізацыю інвестыцыйных або бізнэс-праектаў; маёмасці на ўмовах лізінгу; субсідый для кампенсацыі часткі працэнтаў за карыстанне банкаўскімі крэдытамі; субсідый для пакрыцця часткі расходаў на выплату лізінгавых плацяжоў і на ўдзел у выстаўках і кірмашах; размяшчэнне сродкаў мясцовых бюджэтаў ва ўклады (дэпазіты) банкаў з наступным іх накіраваннем на прадастаўленне льготных крэдытаў.
Прадугледжаны новы від дзяржаўнай фінансавай падтрымкі малым і сярэднім прадпрыемствам, якія рэалізуюць інвестыцыйныя праекты з прыцягненнем крэдытаў Банка развіцця. Ім змогуць кампенсаваць частку капітальных выдаткаў за кошт сродкаў рэспубліканскага бюджэту.
Лукашэнка прызнаў, што мае патрэбу ў адпачынку і што вялікая колькасць людзей яго праклінае49
Каментары