«Калі дойдзе да атамнай зброі, то расіяне разбамбяць Варшаву, а амерыканцы Мінск» — гісторык Латышонак

На погляд Алега Латышонка, існуе магчымасць таго, што вайна Расіі з Украінай перарасце ў трэцюю сусветную. «Штораз страшней робіцца, паколькі ўжо чуваць галасы, што краіны НАТА павінны ўключыцца. Французы-та можа, будуць крычаць, але не ўключацца. А пачнуць з палякаў. Мы тут у Польшчы на лініі фронту, і нас першых пашлюць на расійцаў. І гэтага вельмі баюся».

Латышонак назваў галоўныя, на яго погляд пагрозы Беларусі, калі пачнецца трэцяя сусветная вайна:

«Беларусь і Польшча — дзве краіны, якія найбольш пацярпяць, паколькі калі прыйдзе да атамнай зброі, то расіяне разбамбяць Варшаву, а амерыканцы — Мінск, каб асцерагчы сваіх праціўнікаў, бо амерыканцы і расіяне вельмі не хочуць наўпрост ваяваць паміж сабою. Таму мэтамі бамбардзіровак будуць не іх уласныя тэрыторыі».

@tokbelarus «Калі дойдзе да атамнай зброі, то расіяне разбамбяць Варшаву, а амерыканцы Мінск» — Меркаванне вядомага гісторыка Алега Латышонка глядзіце ў новы выпуску «ТОК» #Варшава #минск #менск #беларускаямова #беларусь #ядернаявойна #россияне #безопасность #белорусывпольше #нашаніва #пабеларуску ♬ Polozhenie - Izzamuzzic Remix - Скриптонит

Алег Латышонак не верыць у перамогу Украіны ў вайне. Але, па яго словах, аб гэтым можна тэарэтычна разважаць. У такім выпадку Украіна і краіны НАТА «зробяць усё, каб вырваць Беларусь з кіпцюроў Крамля. Натуральна, яны павінны гэта зрабіць. Але якім шляхам? Ці адхіленнем рэжыму ад улады, ці шляхам нейкіх дамоўленасцей з ім? Я думаю, што будуць дамаўляцца».

У выпадку татальнага пройгрышу Украіны ў вайне, які прывядзе да страты ёю дзяржаўнасці, на погляд Латышонка, Беларусь будзе далучана да Расіі. Латышонак падкрэслівае, што не разлічвае на татальны пройгрыш Украіны.

У выпадку, калі Украіна прызнае за Расіяй тыя тэрыторыі, якія былі захоплены, Беларусь, па словах Латышонка «будзе мець поле для манеўру».

У выпадку, калі канфлікт будзе замарожаны, па словах гісторыка, «усё застанецца так, як ёсць». Але гэтая сітуацыя не вечная.

На погляд гісторыка, ні Лукашэнка, ні беларускае грамадства не хоча далучэння ні да Расіі, ні да вайны:

Так што тут вялікая сіла. Гэта не тое, што Пуцін дасць загад — і ўсе гэты загад выканаюць. Ёсць магчымасць далей захоўваць сітуацыю, якая існуе. І праўдападобна, што так і будзе. Нейкія чарговыя саступкі інтэграцыйныя. Але гэтая ўлада, якая ёсць у Беларусі, застанецца. І Беларусь будзе далей існаваць як незалежная краіна».

Глядзіце цалкам:

Чытайце таксама:

«Святкаваць трэба свае перамогі, а не чужыя». Роля сацыялізму ў генезісе беларусаў і ацэнка падзей 17 верасня — Латышонак 

«Рэцыдывіст параіў ні ў якім выпадку не прызнавацца». Прафесар Алег Латышонак — пра тое, як сядзеў у польскай турме за часамі «Салідарнасці»

«Калі Беларусь пасля вайны апынецца ў амерыканскім хаўрусе, расплаты не будзе». Вялікая гутарка з прафесарам Латышонкам

• 0
• 15
• 0
• 6
• 7
• 7
• 17