Махляры прыдумалі яшчэ адзін спосаб падману. Ён звязаны з сім-картамі
На тэлефон паступае званок ад «прадстаўніка сотавай кампаніі», які паведамляе, што тэрмін дзеяння вашай сім-карты заканчваецца.
Для прадаўжэння тэрміну дзеяння просяць назваць код з СМС-паведамлення, якое прыходзіць на тэлефон, паведамляюць «Навіны Шуміліна».
Такім чынам махляры спрабуюць атрымаць доступ у асабісты кабінет на сайце аператара сувязі, пасля чаго ўстанаўліваюць пераадрасацыю паведамленняў на патрэбны махлярам нумар, расказаў старшы оперупаўнаважаны крымінальнага вышуку РАУС Аляксей Буракевіч.
У далейшым махляры мяняюць пароль ад мабільнага банкінгу.
Напрыклад, жыхарцы Шуміліна патэлефанавалі быццам з салона сотавай сувязі МТС і паведамілі, што трэба перайсці па спасылцы для аўтаматычнага перазаключэння дамовы, каб тэрмін дзеяння сім-карты быў прадоўжаны. Жанчына западозрыла махлярства і тым самым зберагла свае грошы.
У міліцыі папярэджваюць: калі вам тэлефануе «аператар сотавай сувязі» і кажа, што трэба прадоўжыць тэрмін дзеяння сім-карты, не верце! Удакладніць сітуацыю можна ў афіцыйным салоне аператара мабільнай сувязі. Нічога з вашай сім-картай за некалькі гадзін не зробіцца.
«Людзі, я вярнулася ў СССР. Яшчэ і 170 рублёў за гэты кашмар!» Блогерка абурылася начной чаргой у падатковую7
Каментары