Як паведамляе сайт pokernews.com, у сераду беларус Мікіта Бадзякоўскі выйграў у фінале турніру World Poker Tour (WPT) Big One for One Drop, які прайшоў у Лас-Вегасе (ЗША).
![](http://d3kcf2pe5t7rrb.cloudfront.net/img/w732d4webp1/photos/z_2023_12/poker-90jpg-r4bvt.jpg.webp)
Мікіта Бадзякоўскі
Выйгрыш Бадзякоўскага склаў 7 114 500 даляраў, у той час як ягоны асноўны канкурэнт, аўстрыец Марыа Мосбек, атрымаў 4 663 950 даляраў.
У фінале змагаліся шэсць гульцоў, але толькі чацвёра вярнуліся дадому з грашыма. Двое пакінулі казіно, не выйграўшы нічога і страціўшы па мільёну даляраў, якія яны патрацілі на ўдзел у турніры.
У жніўні 2022 года Мікіта Бадзякоўскі стаў пераможцам покернага турніру хайролераў з бай-інам у 100 тыс. еўра ў Барселоне, выйграўшы больш за 1,98 млн еўра. Тады ён паўтарыў свой поспех 2018 года, калі стаў першым чэмпіёнам турніру.
Каментары