• ГАЛЁШАЙ ПА БАКТЭРЫІ! •

🥃 Нецьвярозая нейкая недагаворанасьць. Чаму толькі этылавы сьпірт «знішчае больш чым 99,99%» (ну, дапішы яшчэ тузін дзявятак замест «больш»!) няшчасных тых бактэрыяў? Калі мэтылавы выдатна сьмяроціць нават чалавека, які крыху, так бы мовіць, сербане яго з гарла?
🥿 І ці ня сеў аўтар у галёшу, не ўзгадаўшы тутака «галёшу»? Бо шырока распаўсюджаны Нафрас С-2-80/120, які носіць гэткую мянушку, у адрозьненьне ад сьпірту, не псуе пэўныя й асабліва лякавыя пакрыцьці. І ў тэй час выдатна змывае біялягічны, жывы й мёртвы, бруд зь любой паверхні.
🦠 Плюс падзівіла дзіваватая амнэзыя ў наступным мейсцы. Гэлэ: «Самая высокая канцэнтрацыя бактэрый была выяўленая на раменьчыках з тканіны, другое месца занялі пластыкавыя і гумовыя. Менш за ўсё бактэрый было выяўлена на металічных бранзалетах». То бок, чаму вы рэзка забыліся пра дзя́жкі са скуры, хай нават са штучнага (іскусьцьвіннага) кракадыла? Між тым для дарагіх смартóў іх рэжуць нават з гадаў (я пра зьмей, а не пра гэных) і з марскіх скáтаў-скатоў! Ватамака й мусяць жыць на поўніцу цэлыя гародзішчы мікраарганізмаў.
⌚ Але больш зьбянтэжыла, што аўтар(ка) піша менавіта пра раменьчыкі й бранзалеты смарт-гадзіньнікаў. Быццам звычайны мэханічны гадзіньнічак яксьці сам адпужвае мікроба, амёбу гэну, інфузорыю ў туфельках!

ЯНКА, і праўда, чым смарт гадзіннікі бруднейшыя за звычайныя? Тым больш, смарты часцей здымаюць для зарадкі.

Казік, менавіта так. Асабіста я думаў набыць першы сабе смарт, але нядаўна купіў чарговы стрэлачны гадзіньнічак, якія я нашу зрэдзьчасу. Наўпрост ня надта люблю абцяжарваць сябе гэткімі ўпрыгожваньнямі. І цяперака больш ўпэўненасьці стала, што руку праз тое не ад'ядуць бактэрыі піла-піраньня, ці як іх тамака.