З'явіўся сайт «Кінакіпа» з вялізнай калекцыяй фільмаў на беларускай мове
Праект «Кінакіпа» абзавёўся ўласным сайтам kinakipa.site, на якім выкладзеныя фільмы і серыялы па-беларуску. Да гэтага праект прысутнічаў толькі ў сацсетках, дзе карыстаўся вялікай папулярнасцю сярод беларусаў, так колькасць падпісчыкаў тэлеграм-канала дасягнула 12 000 чалавек.
Праект збірае збольшага замежныя фільмы, агучаныя або з субцітрамі па-беларуску, але ёсць і арыгінальныя беларускія стужкі. Сярод навінак можна адшукаць агучаныя па-беларуску серыялы «Апошнія з нас», «Дом цмока», «Вядзьмар», «Мандалорац», «Гамбіт каралевы» або кінастужкі з субцітрамі: «Доктар Стрэндж у мультысусвеце вар'яцтва» і «Тор: Каханне і Гром».
Ёсць і добра вядомыя гледачам «Гары Потэр», «Гладыятар», «Матрыца», «Амэлі», «Інтэрстэлар», «Палёт над гняздом зязюлі» і шматлікія іншыя фільмы. Агулам жа колькасць стужак на сайце сягае за 700, з іх больш за 40 — серыялы.
Фільмы і серыялы выкладаліся праектам раней у тэлеграм-канале, але такі варыянт стварае пэўныя нязручнасці ў час прагляду, звязаныя з тым, што тэлеграм — гэта ў першую чаргу месенджар. Цяпер жа дастаткова націснуць кнопку «плэй» на старонцы любімага фільма, каб паглядзець яго па-беларуску з любой прылады.
«Наша Нiва» — бастыён беларушчыны
ПАДТРЫМАЦЬХто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?10
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары