Культура

Музей Вольнай Беларусі запрашае на вечар-сустрэчу сяброў музея

22 ліпеня Музей Вольнай Беларусі запрашае на «Вечар-сустрэчу сяброў Музея Вольнай Беларусі», прысвечаны гадавіне са дня адкрыцця ўстановы.

Музей Вольнай Беларусі. Фота ілюстрацыйнае

17 ліпеня 2022 года Народнае антыкрызіснае ўпраўленне ў цэнтры Варшавы адкрыла новую беларускую прастору — Музей Вольнай Беларусі. За год Музей стаў адной з самых папулярных беларускіх пляцовак у Варшаве, таксама вядомай па-за межамі польскай сталіцы — разам з суарганізатарамі Музей правёў больш за 160 мерапрыемстваў, якія наведалі звыш 9 тысяч чалавек.

22 ліпеня ва ўтульнай сяброўскай атмасферы, адначасова на 5-ці пляцоўках, пройдуць мерапрыемствы, прысвечаныя гадавіне са дня адкрыцця Музея Вольнай Беларусі.

Першай а 16-й гадзіне пачне працу дзіцячая пляцоўка, на якой гасцей чакае сустрэча з артыстам Аляксандрам Ждановічам (Маляваныч) — тэатралізаваныя гульні, чытанне казак і выраб казачных герояў, паказ беларускай батлейкі — спектакляў «Цар Ірад» і «Піпі Доўгаяпанчоха».

Ад 16:00 да 21:00 у дворыку каля Музея будзе працаваць арт-маркет, дзе свае працы пакажуць таленавітыя мастакі і дызайнеры і дзе можна будзе набыць унікальныя рэчы беларускіх майстроў. На гэтай жа пляцоўцы можна азнаёміцца і набыць кніжныя навінкі ад выдавецтва «Янушкевіч».

Галоўная пляцоўка імпрэзы — вялікі дворык каля Музея — адкрыецца а 17-й гадзіне выступам Варшаўскага Вольнага аркестра. На цырымонію адкрыцця імпрэзы запрошаныя прадстаўнікі беларускіх дэмакратычных сілаў, польскіх улад, Варшаўскай мэрыі, дыпламаты.

На гэтай самай пляцоўцы пачнецца канцэрт-падарунак для ўсіх сяброў, дзе выступяць знакамітыя беларускія выканаўцы. У праграме — Сяржук Доўгушаў, Уладзімір Пугач, Маргарыта Ляўчук з Канстанцінам Гарачым.

Галерэйная прастора Музея пакажа татальную інсталяцыю «Ад краю да краю» Ігара Цішына — працяг думак знакамітага беларускага мастака і іх мастацкае ўвасабленне пра сённяшнюю Беларусь.

У музейным пакоі прасторы, які будзе працаваць цягам усяго дня, можна будзе пабачыць міні-экспазіцыю з самых яркіх экспанатаў, падараваных у фонд, пакінуць запіс-зычэнне ў Кнізе ганаровых гасцей. Таксама ў гэты пакой можна будзе прынесці і падараваць Музею прадметы, звязаныя з вашай асабістай гісторыяй удзелу ў беларускім пратэсце.

Адрас Музея Вольнай Беларусі — Foksal 11, Warszawa.

Чытайце таксама:

Карціну беларускага мастака адабралі для Лонданскага арт-біенале

Кнігі на беларускай мове цяпер у продажы ў Нью-Ёрку

У Варшаве адбудзецца маштабны фэст беларускай музыкі

Каментары

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне9

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне

Усе навіны →
Усе навіны

EPAM і Wargaming заплацілі самыя вялікія падаткі сярод усіх літоўскіх IT-кампаній10

Спецпрадстаўнік ЗША: Санкцыі супраць Расіі працуюць «на 3 балы з 10», іх можна ўзмацніць14

Беларускую добраахвотніцу Марыю Зайцаву пахавалі на могілках у Кіеве ФОТА3

Ва Уруччы пабудуюць чатыры шматпавярховікі4

Мілы сабака на запраўцы, што радуецца любому чалавеку, скарае сацсеткі18

ЗВР Беларусі дасягнулі 9 мільярдаў даляраў7

Як тэлешоу дапамаглі знізіць колькасць разводаў у Паўднёвай Карэі3

Анастасія Нюфер з ЗША, вызваленая ў Беларусі ў дзень выбараў, апублікавала першае фота1

Два гомельскія кур‘еры забралі 100 тысяч у 87-гадовай жанчыны, кінулі куратара і пачалі салодкае жыццё5

больш чытаных навін
больш лайканых навін

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне9

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне

Галоўнае
Усе навіны →

Заўвага:

 

 

 

 

Закрыць Паведаміць