Выраслі цэны на паслугі, гатэлі і рэстараны.
Амерыканская спявачка Беёнсэ справакавала рост інфляцыі ў Швецыі, пачаўшы са Стакгольма сваё сусветнае турнэ.
Паводле звестак статыстычнага ўпраўлення Швецыі, з красавіка да мая ўзровень інфляцыі ў краіне склаў 0,3 адсоткавага пункта.
Галоўны эканаміст Danske Bank Майкл Гран запэўніў журналістаў, што павышэнне цэн было часткова звязанае з узрослым попытам на «шырокі набор тавараў і паслуг, напрыклад наведванне гатэляў і рэстаранаў» і на «рэкрэацыйныя паслугі», уключаючы квіткі на канцэрты, як піша Politico.
«Пачатак сусветнага турнэ Беёнсэ ў Швецыі, падобна, паўплываў на майскую інфляцыю. Наколькі — невядома, але, імаверна, гэта 0,2 працэнтнага пункта з 0,3, якія дадалі гатэлі і рэстараны. Мы чакаем, што ў чэрвені гэты нечаканы рост адкаціцца назад, паколькі цэны на гатэлі і квіткі вернуцца да нормы», — сказаў Гран.
Сёння амерыканская спявачка выступіць у Кёльне, а 27 і 28 чэрвеня яна дасць два грандыёзныя канцэрты на Нацыянальным стадыёне ў Варшаве. У раскладзе пазначылі, што змяшчальнасць стадыёна — 72 тысячы чалавек.
«Людзі, я вярнулася ў СССР. Яшчэ і 170 рублёў за гэты кашмар!» Блогерка абурылася начной чаргой у падатковую7
Каментары