Шэсць гадоў калоніі ва ўмовах узмоцненага рэжыму прысудзілі айцішніку з Брэста
Брэсцкі абласны суд завяршыў разгляд крымінальнай справы супрацоўніка IT-кампаніі Паўла Петручэні. Яго абвінавацілі ў распальванні сацыяльнай варожасці, якая здзейсненая групай альбо пацягнула цяжкія наступствы (ч. 3 арт. 130 КК), піша «Вясна».
Справу разглядаў суддзя Мікалай Сянько, дзяржабвінаваўца — пракурор Аляксандр Богуш.
Як піша «Вясна», Брэсцкае тэлебачанне паказала відэарэпартаж, з якога вынікае, што Павел у 2013—2018 гадах працаваў у Дэпартаменце аховы Брэсцкай вобласці вядучым інжынерам-электронікам і атрымаў доступ да асабістых звестак супрацоўнікаў, якія ў 2020 годзе нібыта перадаў у «Чорную кнігу Беларусі».
Са слоў аўтараў роліка, Павел «шчыра верыў, што дапамагае аднавіць справядлівасць і абараняе пацярпелых ад супрацоўнікаў, якія перавысілі свае паўнамоцтвы падчас затрымання пратэстоўцаў».
Паўлу прысудзілі шэсць гадоў калоніі ва ўмовах узмоцненага рэжыму.
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?12
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары