«Пасля 2020-га так умеюць толькі беларусы». Івулін падзяліўся кранальнай гісторыяй
Аляксандр Івулін у Instagram распавёў кранальную гісторыю выпадковай сустрэчы ў Варшаве.
«Беларус беларусу беларус.
Адправіўся на сняданак. За гадзіну ў кавярні сустрэў з дзясятак землякоў. Кожны/кожная ўсміхаецца так, як умеюць толькі беларусы. Калі што, я люблю смол-токі, але адзін з сённяшніх выбіў неверагодную эмоцыю.
— Дзякуй за тое, як вы там трымаліся. Дарэчы, знаёмцеся, — незнаёмая лэдзі прадстаўляе сваю спадарожніцу. — У яе таксама брат сядзіць.
Прозвішча дзяўчыны здаецца неверагодна знаёмым. Перапытваю. Не, не падалося. Праз секунду ўжо я называю імя яе брата. Аказваецца, мы, як кажуць на зоне, «ішлі па этапе» і «былі ў блізкіх».
Выходзіць, мы завочна знаёмыя з гэтай сястрой. І з дзяўчынай гэтага хлопца. І з яго бацькамі. Шкада, абняцца на волі яны змогуць яшчэ няхутка.
Шок і здзіўленне. Вочы новай знаёмай (вельмі падобная да брата) тут жа становяцца мокрымі. Яе рукі пачынаюць трэсціся. Абдымкі, пасля якіх выпадковы мінак адразу становіцца амаль родным.
Здаецца, пасля 2020-га так умеюць толькі беларусы», — напісаў Івулін.
Аўтар канала «ЧестнОК» і футбаліст «Крумкачоў» знаходзіўся за кратамі з 3 чэрвеня 2021-га. 19 студзеня 2022-га суд даў Івуліну два гады калоніі за ўдзел у мірных пратэстах. Ён поўнасцю адбыў тэрмін і выйшаў на волю 17 лютага.
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?5
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары