«Гарызонт» пачаў продаж ноўтбука з працэсарам Intel Core-i7. Мадэль называецца H-book 15 МАК4 (T74E4W).
На сайце кампаніі пішуць, што гэта ноўтбук «з найбольш магутным і энергаэфектыўным працэсарам» для «паўсядзённых і офісных задач».
Гэта ноўтбук з чатырохядзерным працэсарам з частатой да 5 ГГц, 16 ГБ аператыўнай памяці і SSD-назапашвальнікам на 512 ГБ.
У якасці перадусталяванай аперацыйнай сістэмы ў ноўтбуку H-book 15 МАК4 (T74E4W) выкарыстоўваецца Windows 11 Home. Мадэль абсталяваная двухканальным Wi-Fi 5 AC, Bluetooth 5.1, двума USB 3.0 Type-A, адным USB Type-C, портам HDMI 1.4, аўдыёраз'ёмам і слотам для карт памяці.
Акумулятар дазволіць выкарыстоўваць ноўтбук у аўтаномным рэжыме да 8 гадзін, у гэтым час карыстальнік зможа прайграваць відэа ў фармаце Full HD і займацца анлайн-сёрфінгам. Пры максімальнай нагрузцы, напрыклад, пры праграмаванні або працы ў CAD-сістэмах зарадкі хопіць на 4 гадзіны.
Кошт ноўтбука H-book 15 МАК4 (T74E4W) чамусьці ўказаны ў расійскіх рублях: 69990, гэта прыкладна 2647 беларускіх рублёў. Пішацца, што ён даступны для продажу ў анлайн-крамах РФ.
Расійскі блогер Wylsacom зрабіў агляд «беларускага макбука»
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?12
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары