ФІФА аб'явіла аб правядзенні клубнага чэмпіянату свету з 32 камандамі
Рашэнне аб кардынальнай змене фармату клубнага чэмпіянату свету прынята на пасяджэнні Рады ФІФА. У ім будуць браць удзел 32 каманды, паведамляецца ў прэс-рэлізе арганізацыі.
Пашыраны клубны чэмпіянат свету ФІФА з удзелам 32 каманд павінен пачацца ў чэрвені 2025 года (пасля пераносу першапачатковага турніру з удзелам 24 каманд, запланаванага на 2021 год). Турнір будзе праводзіцца кожныя чатыры гады.
«Мы хочам зрабіць гэтае спаборніцтва падобным да чэмпіянату свету», — сказаў кіраўнік ФІФА Джані Інфанціна на прэс-канферэнцыі арганізацыі.
На гэты момант клубны чэмпіянат свету праводзіцца штогод і ў ім удзельнічае ўсяго 7 каманд — 6 пераможцаў кантынентальных канфедэрацый (Ліг чэмпіёнаў) і чэмпіён краіны, якая прымае.
Таксама ФІФА запусціць новы турнір, «каб павялічыць магчымасці каманд з розных канфедэрацый гуляць адна з другой». Турнір атрымаў назву «Сусветная серыя ФІФА» і будзе праводзіцца ў сакавіку па цотных гадах. У ім будуць прымаць удзел 4 каманды з розных футбольных канфедэрацый.
Акрамя таго, анансавана стварэнне жаночага клубнага чэмпіянату свету ФІФА.
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?8
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары